Сайта кӗр | Регистраци | Сайта кӗрсен унпа туллин усӑ курма пулӗ
 +17.0 °C
Ҫӑхан куҫне ҫӑхан сӑхмасть.
[ваттисен сӑмахӗ: 2523]
 

Таисия Ташней: Элтепер ҫуралнӑ тӑрӑхри Акатуй калаҫтарать

Таисия Ташней13.01.2017 13:272044 хут пӑхнӑ

Ҫак кунсенче тӗнче тетелӗнчи хаҫатсенчен пӗринче, вӑл Правительство ҫумӗнче мар хаҫатсен шутне кӗрет, Михаил Игнатьев Элтепер ҫуралнӑ тӑрӑхра, Шупашкар районӗнчи Янӑшра, районти Акатуя ирттерме хыпарлакан информаци пичетленчӗ. Анчах темшӗн ку хыпара хӑшӗсем кутӑнла йышӑннӑ, ырӑ хыпар айне тем тӗрлӗ комментари хӑвараҫҫӗ. Республика ертӳҫи Михаил Васильевич вӑл тӑрӑхран пулнипе унта ирттереҫҫӗ, унтисем иртӗхеҫҫӗ тесшӗн.

Хам та Шупашкар район ҫынни пулнӑ май унти пурнӑҫа сӑнаса тӑратӑп. Район администрацине Георгий Егоров ертсе пыма тытӑннӑ хыҫҫӑн вӑл муниципалитетра Акатуя райцентрта унчченхи пек ирттерессине пӑрахӑҫланӑччӗ. Георгий Иванович республикӑри евӗртерех йӗркелеме пуҫланӑччӗ: ял тӑрӑхӗсем хушшинче конкурс ирттереҫҫӗ те ҫӗр ӗҫченӗн уявне ӑҫта йӗркелессине палӑртаҫҫӗ. Республикӑри Акатуй та ҫавӑн пек иртет-ҫке: Шупашкарта уявланипе пӗрлех пӗр-пӗр районта ирттереҫҫӗ. Шупашкар районӗнче вара Кӳкеҫре йӗркелемеҫҫӗ, пӗр-пӗр ял тӑрӑхӗнче пухаҫҫӗ.

Пӗлтӗрхи конкурсра Ҫӗньял-Покровски ял тӑрӑхӗ ҫӗнтернӗччӗ. Унчченхисенче — Тутаркасси, Ҫӗньял. Пӗлтӗрхи конкурсра ҫӗнтернӗ ял тӑрӑхне 10 миллион тенкӗ уйӑрса пама йышӑннӑччӗ. Укҫана ял тӑрӑхӗсем ӗҫсе-ҫисе ямаҫҫӗ, тӗрлӗ юсав, строительство, ытти-хытти валли уйӑраҫҫӗ. Пӗлтӗр, акӑ, ҫичӗ ял урамӗсенче ҫул сарма кӑна 6,5 миллион тенкӗ уйӑрассине пӗлтернӗччӗ. Ял тӑрӑхӗн пуҫлӑхӗ Рудольф Васильев Вашук ялне газ кӗртес ӗмӗтлине те каланӑччӗ.

Кӑҫал Янӑш ял тӑрӑхӗнче Акатуй ирттерме шут тытнӑ. Ун валли пӗлтӗрхиллех 10 миллион укҫа уйӑрмалла. Тепӗр майлӑ каласан, районти Акатуй валли Михаил Игнатьев ҫуралнӑ ял тӑрӑхне 10 миллион тенкӗ уйӑрнинче нимӗнле криминал та ҫук.

Элтепере хӳтӗлет, ӑна йӑпӑлтатать тесе шухӑшлама кирлӗ мар: Михаил Васильевич манӑн тӑван та, кӳршӗ те, кумма та мар. Тӗрӗс марлӑха чунӑм йышӑнайманран чӑтаймарӑм — хамӑн шухӑша маларах асӑннӑ хыпар айӗнче те комментарилерӗм, кунта асӑнса хӑварас килчӗ.

Постскриптум вырӑнне: Вырӑнти тӳре-шара ку лару-тӑрӑва уҫӑмлатса пӗр комментари те ҫырманни мана тӗлӗнтермеллипех тӗлӗнтерчӗ.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org