Сайта кӗр | Регистраци | Сайта кӗрсен унпа туллин усӑ курма пулӗ
 +7.0 °C
Йытӑ та хӑй хӳрине вараламасть.
[ваттисен сӑмахӗ]
 

Софья Савнеш: Раҫҫейри чи ӑшӑ хуласем

Софья Савнеш10.07.2016 21:571920 хут пӑхнӑ

Раҫҫей — пысӑк ҫӗршыв. Ҫуллахи вӑхӑтра отпуска ӑҫта ирттермелли пирки шухӑшлатӑр-и? «Самовар» сайт пирӗн ҫӗршыври чи ӑшӑ хуласен рейтингне хатӗрленӗ.

Пӗрремӗш вырӑнта — Волгоград. Вӑл кӑнтӑр енче вырнаҫнӑ, инҫех мар — Казахстан. Унти ҫеҫенхирсенчен вӗрекен ҫиле пула ҫулла термометр 44-48 градус таран хӑпарать. Ҫӗрле те пиҫсе вилмелле. Ун чухне урамра 26-28 градус ӑшӑ. Ҫумӑр та сахал ҫӑвать.

Иккӗмӗш вырӑнта — Аҫтӑрхан. Вӑл Каспи тинӗсӗ хӗрринче вырнаҫнӑ. Шӑпах ҫав вырӑнтан инҫех мар Атӑл тинӗсе юхса кӗрет. Метеорологсем Аҫтӑрхана шӑрӑх енӗпе иккӗмӗш вырӑн панӑ. Термометр вӑтамран 25,6 градус кӑтартать. Хӑш чухне урамра 35-40 градус ӑшӑ та хуҫаланать. Аслатиллӗ, пӑрлӑ ҫумӑр ҫуни унта — чӑн-чӑн ҫӑлӑнӑҫ.

Краснодар та отпуска ирттермешкӗн лайӑх хула. Ҫывӑхра тинӗс пулнӑран уҫӑ. Ҫулталӑкри вӑтам температура 12 градуспа танлашать. Ҫулла шӑрӑх, уйрӑмах — утӑ уйӑхӗ. Ун чухне 40 градус ӑшӑ тӑрать.

Сочире ҫулталӑкӗпех канма пулать. Унта хӗлле те ӑшӑ. Термометр хӗлле те нульрен аяларах кӑтартмасть. Сочи субтропикра вырнаҫнӑ Раҫҫейри пӗртен-пӗр хула. Ҫавна май унта ҫулталӑк вӑхӑчӗсем те ҫук. Ҫуркунне — ҫутӑ, кӗркунне — ӑшӑ, ҫулла вара — вӑрӑм. Унта ака уйӑхӗн вӗҫӗнчен пуҫласа юпа уйӑхӗн варриччен шыва кӗреҫҫӗ. Ҫулла ҫур ҫул ытла тӑсӑлни чылай туриста илӗртет. Адлер унччен поселок пулнӑ, халӗ — Сочин пӗр пайӗ. Нӳрӗ субтропик унта. Йӗри-тавра — тусем, ӑшӑ тинӗс. Кусене пула хӗлле те ӑшӑ. Анчах унта шӑрӑха чӑтса ирттерме ҫӑмӑл, мӗншӗн тесен нӳрӗклӗх пысӑк.

Калмӑк Республикинчи Яшкӳлӗ (Яшкуль) те ӑшӑ хула. Ҫулталӑкри чи ӑшӑ уйӑхӑн ватам кӑтартӑвӗ — 26 градус. Ку енӗпе вӑл ыттисенчен ирттерет. Яшкуле Пӗчӗк Азирен вӗри, типӗ сывлӑш ҫитет.

Нӳрӗ, сивӗ ҫанталӑк йӑлӑхтарсан Волгограда, Астрахане, Краснодара, Сочие е Яшкуле ҫул тытӑр. Унта кунти пек мар — яланах ӑшӑ…

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org