Сайта кӗр | Регистраци | Сайта кӗрсен унпа туллин усӑ курма пулӗ
 +21.3 °C
Кӗрхи кун кӗлтеллӗ, ҫурхи кун ҫеҫкеллӗ.
[ваттисен сӑмахӗ]
 

Вика Сорокина: Ача пахчинче ача вилме пултарать-и?

Вика Сорокина20.05.2016 20:173549 хут пӑхнӑ

«Ача пахчинче ача вилме пултарать-и?» — тесе ыйтсан никам та: «Паллах!» — тесе татса хума хӑяймӗ. Чӑн та ӗнтӗ, ача пахчи вӑл производство лаптӑкӗ мар. Тепӗр енчен, производствӑра та ӗҫ хӑрушсӑрлӑхӗн правилине хытах пӑхӑнма тӑрӑшаҫҫӗ.

Ӗнер, ҫу уйӑхӗн 19-мӗшӗнче, Ҫӗнӗ Шупашкарти ача пахчинче 3 ҫулти шӑпӑрлан вилнӗ. Инкек пулса иртнӗ хыҫҫӑнах «Pro Город» текен хаҫат хыпарланине ӗненсен, ун пирки Чӑваш халӑх сайчӗ те ҫырнӑччӗ, пӗчӗк арҫын ача верандӑра тӑнӑ чух хырӑм ҫине персе аннӑ.

Паян ку хыпара РФ Следстви комитечӗн республикӑри следстви управленийӗ те пӗлтерчӗ. Унта хальлӗхе нимех те уҫӑмлатман-ха. «Ҫӗнӗ Шупашкарти ача пахчисенчен пӗринче уҫӑлма тухсан 3 ҫулхи ача хырӑм ҫине ӳкнӗ», — тесе ҫырнӑ унта. Пӗчӗкскер персе аннине воспитатель тӳрех асӑрханӑ, ӑна вӑл медицина сестрин пӳлӗмне йӑтса кӗнӗ, унтан васкавлӑ пулӑшу чӗннӗ. Вырӑна пырса ҫитнӗ васкавлӑ пулӑшу тухтӑрӗсем те пӗчӗкскерне ҫӑлса хӑварайман — ҫакӑн пек пӗтӗмлетӳ тума пулать тӗпчевҫӗсен типӗ хыпарне тишкерни тӑрӑх.

Инкек тӗлӗшпе РФ Следстви комитечӗн Ҫӗнӗ Шупашкарти следстви пайӗ следстви умӗнхи тӗрӗслев йӗркеленӗ. Ун вӑхӑтӗнче инкек пулса иртнине асӑрханисенчен ӑна-кӑна ыйтса пӗлеҫҫӗ. Хальлӗхе пуҫиле ӗҫ пуҫарман-ха.

Халӑх тетелӗсенче ача вилӗмӗ пирки темле сӑмахлакан-юмахлакан та пур. Хӑшӗсем вӑл тем ҫинӗ чух чыхланса кайман-ши тесе шухӑшлаҫҫӗ. Анчах тӗпчевҫӗсем ку версипе килӗшменни сисӗнет. Суран тавраш та ҫук-мӗн. Халӑх тетелӗсенчисем патнех тепӗр хут таврӑнсан, пӗри тата ачасене хӗрес тавраш ҫактарса ҫӳренишӗн ӳпкелесе калаҫать. Ҫиппе ача таҫтан ҫакланса та ларма пултарать имӗш.

Теприсем вара воспитателе вӑрҫма тытӑнса кайнӑ. Унӑн ҫийӗнчех васкавлӑ пулӑшу кӳмелле пулнӑ теҫҫӗ.

Манӑн вара: «Эх, мӑнтарӑн воспитателӗ!» — тесе калас килет. Паллаканӑм ача пахчинче тӑрӑшать те, унти ҫӑмӑл мар ӗҫе аван пӗлет. Ачисенчен ытла ашшӗ-амӑшне юрама йывӑррине калать вӑл. «Килте ларакан амӑшӗсем хӑйсен нумай хваттерлӗ ҫуртсенчи хваттерӗсенчен сӑн ӳкерсе кӑна лараҫҫӗ. Тем килӗшмесен прокуратурӑна ҫӑхавлассипе хӑратаҫҫӗ», — тет вӑл. Тата икӗ ушкӑнпа виҫӗ воспитатель тӑрӑшма тивнине пула кун каҫипе ывӑнсах ҫитнине пӗлтерет. Ушкӑнри 25 ачана пӗччен пӑхса ӗлкӗрме те пӗртте ҫӑмӑл мар. «Мӗншӗн ытла сӑхланаҫҫӗ вара? Мӗншӗн воспитательсене ӗҫе илмеҫҫӗ?» — тесе тӗлӗнекенсене тӳре-шара оптимизаци сӑмаха вилсе каясла кӑмӑлланине аса илтермелле. Укҫа перекетлес тенипех тепӗр ҫӗрте виҫӗ воспитателӗн икӗ ушкӑнпа тимлеме тивет. Кирлех пулсан патаккине те унӑнах ҫиме лекет.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org