Сайта кӗр | Регистраци | Сайта кӗрсен унпа туллин усӑ курма пулӗ
 -9.0 °C
Пӗччен йывӑҫ час тӳнет.
[ваттисен сӑмахӗ]
 

Agabazar: Мӗншӗн чӑваша неосуваризм лачакине сӗтӗреҫҫӗ?

Agabazar09.01.2016 19:416971 хут пӑхнӑ

Пирӗн тӑрӑхра вӑтам ӗмӗрсенче Атӑлҫи Пӑлхар патшалӑхӗ пулнӑ. Вӑл патшалӑхра Р,Л-чӗлхепе калаҫакан тӗрӗксем пурӑннӑ. Паянхи чӑваш чӗлхи те ҫавнашкал тӗрӗк чӗлхисен ушкӑнне кӗрет. Вӑтам ӗмӗрсенчи ҫав чӗлхене ӑслав тӗнчинче "пӑлхар чӗлхи" теме йышӑннӑ. ТӖНЧЕРЕ "СУВАР ЧӖЛХИ" ТЕКЕН ӐНЛАВ ПАЧАХ ТА ҪУК! Пулхӑр , Хазар , Авар чӗлхисем пирки сӑмах хускатнисем пур, анчах та сувар чӗлхи пирки пупленисем курӑнсах каймаҫҫӗ. Пире интереслентерекен тапхӑр тӗлӗшпе ҫыхӑнтарса — пушшех те калаҫмаҫҫӗ сувар чӗлхи пирки. Ахальтен, ӑнсӑртран мар ку, ырӑ ҫыннӑмӑрсем. Нарастаран мар.

Ӗнтӗ яр уҫҫӑн калас пулать, чӑваш чӗлхи пӑлхар чӗлхинчен аталанса кайнӑ. Паянхи чӑваш чӗлхи — ҫав вӑхӑтри чӗлхен тӑсӑмӗ тата тӑхӑмӗ.

Вӑтам ӗмӗрсенчи Атӑлҫи патшалӑхне никӗслекенсем хушшинче суварсем те пулнӑ. Вӗсем кунта, чат пӑлхарсем пекех, Ҫурҫӗр Кавказ тӑрӑхӗнчен куҫса килнӗ. Ку тӗлӗшпе пачах та иккӗленмелле мар.

Атӑлҫи Пӑлхар патшалӑхӗнчи Сувар хулине те ҫав сувар йӑхӗсемпех ҫыхӑнтараҫҫӗ. Асӑннӑ йӑхсем чӑннипе пӑлхарсем хушшинче, ытти ушкӑнсем хушшинче хӑвӑрт ирӗлсе пӗтнӗ. Вӑл вӑхӑтри историлле ҫӑлкуҫсенче вӗсем пирки каланисем питех курӑнманни те ҫавнах ҫирӗплетет.

Чӑвашсене Атӑлҫи Пӑлхарти ҫав ирӗлсе пӗтнӗ йӑхсемпе ҫеҫ ҫыхӑнтарни пачах та тӗрӗс мар!

Эпир — мӗнпур Атӑлҫи Пӑлхар халӑхӗн тӑхӑмӗсем.

"Чӑваш" сӑмах "сувар" е "суваз" текен сӑмахран тухса кайнӑ тенисем те халлап евӗрлӗ япаласем ҫеҫ. Уйрӑмах ӑславӑн паянхи ҫӳллӗшӗнчен пӑхас пулсассӑн.

Таса пулӑр!

 

Вӗр ҫӗнӗ хыпар:

"Чӑваш Енре истори предмечӗпе кӗнеке кӑларма хатӗрленеҫҫӗ. ЧР Элтеперӗн Хушӑвне пурнӑҫа кӗртнӗ май ӗҫ ушкӑнӗ истори енӗпе вӗренӳпе методика комплексӗн концепцине хатӗрленӗ. <...> Хальлӗхе учебникре 13 пай: чӑваш халӑхӗ пулса кайнин тӗп гипотезисенчен пуҫласа республикӑн 20-мӗш ӗмӗр вӗҫӗнчи пурнӑҫӗ таран. http://chuvash.org/news/11157.html

Куратӑр-и? Каллех пире чӑваш историне "гипотезӑсем" шайӗнче ҫеҫ вӗрентесшӗн! Тутарсем, ав, пачах та ку тӗлӗшпе именсе тӑмаҫҫӗ пек туйӑнать. http://bibliofond.ru/view.aspx?id=448166#1

Гипотезӑсем шайӗнче ҫеҫ вӗренни — вӗренни те мар!

Хӑшпӗр фактсем уҫӑмлах мар пулсан, вӗсенчен пӑрӑнса иртни вырӑнлӑрах. Мӗншӗн тесен "гипотеза ҫеҫ" текелесе вӗрентме хӑтланни ачасен кӑмӑлне хуҫма пултарать. Хуҫать те! Тӗплӗн уҫса панӑ фактсем чӑваш историйӗнче ҫителӗклӗ. Тутарсенчен "вӑтанса" е "хӑраса" ҫавсене вӗренекенсене пӗлтермесӗр тӑмалла мар. Чӑнлӑхран хакли нимӗн те ҫук.

Мӗншӗн гипотезӑсемпе ҫеҫ аппаланмалла, енчен те чӑнлӑхӗ паллӑ пулсан?

_____________________________________________

Статья ҫумне хушса панӑ ӳкрчӗкре — "чӑваш" тенине пусахласах "сувар" тенипе тачӑн ҫыхӑнтарассишӗн ӑнтӑлакансенчен пӗрин, Владимир Алмантайӑн, кӗнекин хуплашки. http://www.lib.cap.ru/new_chuv2_2009.asp

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org