Сайта кӗр | Регистраци | Сайта кӗрсен унпа туллин усӑ курма пулӗ
 -2.0 °C
Васкакан вакка сикнӗ тет.
[ваттисен сӑмахӗ]
 

Галина Белкова: Хамӑр ӑнланса ҫитереймерӗмӗр-ши?

Галина Белкова19.12.2015 22:063823 хут пӑхнӑ

Тӗп хуламӑрти Трактор тӑвакансен керменӗнче Ҫӗнӗ ҫула халалланӑ чаплӑ уяв концерчӗ курма тӱр килчӗ. Чӑн та, халӑха савӑнтарас, кӑмӑлне юрас тесе тӑрӑшни куҫкӗретех. Республикӑра ҫеҫ мар, Раҫҫейре те, тӗнче шайӗнче те чӑваш халӑхӗн ятне ҫӱле ҫӗклекен, тӑван халӑхӑн юрри-кӗввине, ташшине ытти халӑхсем хушшинче анлӑ саракан Христофоровсем (ашшӗпе ывӑлӗ Иванпа Иван тата вӗсен ҫывӑх тӑванӗ Вячеслав), Виталий Адюков пултарулӑхне куракансем савӑнса, тӑвӑллӑн алӑ ҫупса кӗтсе илчӗҫ. Стас Владимиров хӑйӗн илӗртӱллӗ сассипе чӗресене хускатса хумхантарчӗ. Ҫамрӑк юрӑҫсем те сцена ҫинче хӑйсене шыври пулӑ пекех туйни курӑнчӗ: мӗне тӑрать Александр Думилин (ят-шывне тӗрӗсех ҫыртӑм-ши?) яш каччӑ юрлани. Шӑпах ҫавӑн пек артистсем ӗнтӗ чӑваш эстрадине малалла аталантараканнисем! Мӑшӑр Никитинсем те, вӗсем йӗркелесе ертсе пыракан «Янташ» ушкӑн та… Уяв программи питӗ анлӑ пулнӑран ятран пурне те аса илсе каласа хӑварма та ҫук (ан ҫиленӗр ӗнтӗ!).

Ҫапах та, шухӑша ямалли те тупӑнчӗ ҫак концертра. Пӗр ятлӑ-сумлӑ юрӑҫ ҫӗнӗ юрӑпа паллаштарчӗ. Чӑн та, юрӑн кӗвви те, юрӑҫӑн сасси те илемлӗ, хӑй те киленсе чунне парса юрлать. Анчах юрӑри сӑмахсен шухӑшне ҫак таранччен те ӑнланса ҫитейместӗп. Ӗҫӗ акӑ мӗнре. Авалхи чӑвашсем ҫынсене час-часах йывӑҫсемпе танлаштарнӑ. Сӑмахран, юман — арҫын, ҫӑка — хӗрарӑм, йӑмра — йӑмӑк, шӗшкӗ — шӑллӑм тата ытти те. Мӗншӗн «шӗшкӗ — шӑллӑм» сӑмахсене палӑртса хӑвартӑм тетӗр-и? Шӑпах ҫавӑнта пӑтӑрмахӗ. Юрӑҫ шӑрантарнӑ юрӑра юман, чӑн та, арҫын сӑнарне кӑтартать, унӑн «мӑшӑрӗ» вара — шӗшкӗ! Пач тӗлӗнмелле-ҫке! Кунта юрӑҫин айӑпӗ ҫук пулӗ-ха, сӑввисене ҫыраканӗ вара (вӑл камне калама пултараймастӑп, мӗншӗн тесен пӗлместӗп) мӗн ҫинчен шутланӑ-ши хайлавне калӑпланӑ вӑхӑтра?

«Чим-ха, тен эпӗ ҫеҫ ҫакӑн пек шутлатӑп?» — терӗм хама. Антракт вӑхӑтӗнче кӱршӗ шкулсенче тӑван ен культурине вӗрентекен тепӗр икӗ ҫынпа хама канӑҫсӑрлантаракан ыйту пирки сӑмах хускатрӑм. Вӗсене те ҫак шухӑшах канӑҫ памасть иккен. «Пирӗн шкулта вӗренекенсем «шӗшкӗ — шӑллӑм» пулнине кашниех пӗлеҫҫӗ те, ҫак юрра итлесен вӗсем мана мӗн калӗҫ-ши?», — терӗ вӗсенчен пӗри.

Чӑваш сайтне вулакансенчен ыйтас килет: эпир йӑнӑш ӑнлантӑмӑр-ши, е сӑвӑҫӗсем хамӑр чӑваш халӑхӗн авалхи историпе культурине ӑнланса-пӗлсе ҫитереймеҫҫӗ? Кун пек пулсан, сӑмахӗсене тӱрлетесчӗ, несӗлӗмӗрсен пуян ӑс-хакӑлне, шухӑш-кӑмӑлӗсене малалли тӑхӑмсенче упраса хӑварасчӗ!

 

Комментари:

Таиç // 1522.41.5189
2015-12-26 22:04

ун пекки халь тем чухлех пуль


Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org