Сайта кӗр | Регистраци | Сайта кӗрсен унпа туллин усӑ курма пулӗ
 +26.0 °C
Васкакан вакка сикнӗ тет.
[ваттисен сӑмахӗ]
 

Таисия Ташней: Штраф яваплăха ÿстерет

Таисия Ташней30.07.2015 20:321979 хут пӑхнӑ

Штраф виçи ӳсни яваплăрха пулма хистет тата ăна пула хысна тулать.

Хысна штрафа пула кăна тулаймĕ-ха, çапах та çынсене административлă майпа явап тыттарнине (тепĕр мйалă каласан, штрафланине) пула та республика хысни пуянланать.

Росреестрăн Чăваш Енри управленийĕ пĕлтернĕ тăрăх, çĕр саккунне пăсакансене административлă майпа явап тыттарасси кăçал пĕлтĕрхинчен 3 хут ӳснĕ. Асăннă тытăмăн инспекторĕсем 3 пин ытла тĕрĕслев ирттернĕ.

Уй-хир тăрăх, ял-хула тăрăх çӳрени сая каймасть: кашни иккĕмĕш тĕрĕслев кăлтăк тупнипе вĕçленет. Кун пек пĕтĕмлетме управлени пĕлтерекен цифрăсем хистеççĕ. Ара, 3 пин ытла тĕрĕслев вăхăтĕнче 1576 кăлтăк асăрханă-çке. Пĕлтĕрхи çак вăхăтрипе танлаштарсан, кăлтăк шучĕ 20 процент нумайланнă.

Росреестртан хыпарланă тăрăх, саккуна пăсакансенчен ытларахăшĕ çĕре хăйсем тĕллĕн ярса илнипе ята кĕреççĕ.

Инспекторсем тепĕр саманта та палăртаççĕ. Çынсем юлашки вăхăтра кăлтăка пĕтерме çине тăраççĕ. Ун пеккисен шучĕ йышланнине цифрăсем ĕнентерсе параççĕ. Пĕлтĕр тупса палăртнă çитменлĕхрен çурринче кăна кăлтăка çийĕнчех пĕтернĕ, кăçал – 68 процентĕнче. Яваплăх ӳснине инспекторсем штраф виçи ӳснипе те сăлтавлаççĕ. Кăлтăка пĕтерме хушса çырнине ăша хывмасан маларах 300 тенкĕлĕх штрафланă пулсан, халĕ – 10 пин тенкĕ таран.

Пĕтĕмĕшле штрафланине укçа çине куçарсан кăçал çак хисеп 2,2 миллион тенкĕрен иртнĕ. Пĕлтĕр вăл 785 пин тенкĕ кăна пулнă.

Тепĕр майлă каласан, пысăк штраф мĕн тесен те лайăхрах. Ку вăл çĕрпе çыхăннă саккуна пăсакансене кăна мар, ытти отрасле те пырса тивсен вырăнлă пулассăн туйăнать.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org