Акасапар:"Кунашкал лару-тăруран пĕртен-пĕр Валери Туркай çеç çăлса хăварма пултарать"-тӗрӗсех мар ку.Малтанласа пӗрне-пӗри хисеплеме,пӗрне-перине курнипе савӑнма,тӳрӗрех каласан-юратма вӗренӗр-ха(леш Ник Вуйчич пекрех)!Аттун чӑвашсем пӗрне-пӗри юратсах кайманни сисӗнеть,хирӗҫ пыракан чӑваша курсан урам тепӗр енне каҫса кайма хатӗррисем те пур( уйрӑмах урӑхрах позиципе палӑрнисем).Ку лару-тӑрура Туркай нимех те тӑвайманни паллӑ.Ахӑртнех,Хыпар редакцинче те Влерине ӗҫрен хӑтарассине кӗтсе пурнакансем те пайтах.Ун патне туртӑнакансем йышлах мар.Сӑмах май каласан,Советсем хуҫаланнӑ тапхӑрта урӑхларах пекчӗ.

Тепӗр темӑран куҫартӑм (орфографи кунта вырӑнлӑрах)

«Анчах... Чĕлхеçĕсем 1994 çулта орфографипе пунктуацин çĕнĕ правилисене сĕнчĕç. 1-2-3 çын мар, патшалăх влаçĕ çирĕплетнĕ ятарлă комисси вăйĕпе.»
<br>Эп илтнӗ тӑрӑх вара вӑл правилӑсене хӑй вӑхӑтӗнче Патшалӑх Канашӗ сивленӗ, ЧНК йышӑнман. Анчах ҫӗнӗ правилӑсене кӗртес тесе лешсем хайхи патшалӑх влаҫӗсем патне темӗнле шӑтӑк тупнӑ та унпа усӑ курса ҫирӗплетме пултарнӑ. Мӗншӗн хирӗҫӳ ҫуратать-ха вӑл, ҫак правило? Мӗншӗн тесен вӑрттӑн хӑтланса, чееленсе, халӑха хирӗҫ (ЧНК) кайса йышӑннӑ вӗсене. Хӑш-пӗрин мӑнкӑмӑллӑхне тивӗҫтерес тесе. Тӗрӗслӗх тупас тесе мар.
<br>Пасар патшалӑх влаҫӗ пирки калать-ха та, анчах ун чухнехи лару-тӑрӑва уҫҫӑнтарах пӗлтермелле ӗнтӗ.

Админа вулав çуртне кайса 1992-1994 çулсенчи Хыпара тишкерме ыйтатăп.Ан ÿркен. Унта дискусси Везувий вулканĕ пек пĕрхĕнсе тăнă. Реалист-прагматиксем, профессионал чĕлхеçĕсем çĕнтернĕ. Ара, комиссие чăнах Аслă Совет туса хунă. Нимĕле "шăтăк" та пулман. Атнер Хусанкайран, Н.Егоровран, Л.Сергеевран, М.Скворцовран ыйтăр. Тата - Юрий М. Виноградовран. Туркай кивĕ (ан тавлаш, Акапасар, темле параграфсемпе ан арпаш), тĕрĕсрех каласан, киввинчен те кивĕрех правилăсем патне таврăнчĕ. "Правилăсем" тени те тĕрĕс мар-ха. Тарасовпа иккĕшĕ хăйсен правилисене вăя кĕртеççĕ. Педагогсем хăйсенчен хырăм тытса кулнине те курмаççĕ е курасшăн мар.

Пасар тӗрӗс ҫырнӑн туйӑнать. Паянхи хыпарта та Виноградов ҫырни йӗркеллех пек.

Цитата:"...Реалист-прагматиксем, профессионал чĕлхеçĕсем çĕнтернĕ..."

Çырулăх ыйтавĕсене татса парасси вăл — вăрçă-харçă ĕçĕ мар. Кунта çĕнтернĕ сăмах вырансăр. Кунашкал ыйтусене нихçан та "алă тăратса" е карланкăпа хиркеленсе йышăнмаççĕ. Дискусси тенĕрен, вăл ниме те пĕлтермест, енчен те ют аргументсене шута илмесен. Тĕрĕс, ман хыпарсем тăрăх, Андреевпа Виноградов Атнер Петровччăпа та витĕнкеленĕ ун чухне, хайхин ун чухнехи авторитечĕпе самаях усă курнă. Çакăн чăн сăлтавĕсене те самаях тавçăрса илме май пур. А.П.Х. ун чухне Чĕлхе Саккунне пурнăçламалли Программа хатĕрленĕ. Çав Программăна Тĕрев пама И.А.Андреев та пулăшкаланă. Вара Атнерăн ирĕксĕрех тенĕ пек Иван Андрейччăн аллине те çума тивнĕ. Эп хам çапларах куратăп. Ку вăл — ман шухăш.

Пасар // 4117.51.7078 2015-04-14 15:54:<< Туркай кивĕ (ан тавлаш, Акапасар, темле параграфсемпе ан арпаш), тĕрĕсрех каласан, киввинчен те кивĕрех правилăсем патне таврăнчĕ.>>

Эпĕ пачах та Валери Туркайăн "поклонникĕ" мар. Апла пулин те çăмăллăнах çапла çавăрттарса хума май пур:

Эсир калани — 100% элек.

Вăт çавнашкал хаклавла шухăш....

Аре,асӑннӑ "Атнер Хусанкайран, Н.Егоровран, Л.Сергеевран, М.Скворцовран ыйтăр.Тата - Юрий М. Виноградовран"- пурте паянхи кун чӗрех вӗт!Пуҫтарӑнӑр та калаҫӑр тепӗр хут.Кайран асаилӳсем,архивсем тӑрӑх ҫӳриччен.Е ку ыйту тӗлӗшпе те Акасапар ухмаха ериччен тавлашасшӑн?

Акапасара тепĕр чух пуçне ... çапмасть-ши? Программине шăпах та И.А.Андреев ертсе пыракан ушкăн хатĕрленĕ. Тепре калатăп: ан ÿркенĕр, вулавăша кайса 20 çул каяллахи Хыпара вулăр. Аслă Канаш çирĕплетнĕ правилăсене те, Патшалăх Канашĕ çирĕплетнине те (1994) пĕр комиссиех хатĕрленĕ. Чăннипех тавлашса, тепĕр чух çав тери хĕрÿллĕн. ИТОГ: компромисс. Чĕлхемĕр 20 çул кисренмесĕр пурăнчĕ Аркатуçăсем килчĕç те...

Пĕлмесĕр ан калаç, Акапасар. Шăпах та Андреев профессор витĕмĕпе йышăннă Программăна та, правилăсене те. Атнер Петрович "националист" шутланнă. Çавăнпа та Андреева локомотив вырăнне тăратнă. Атнер такамăн аллине "çăвакан" çын пулман та , пулас та çук.

Бор тĕрĕс калать. Пурте тенĕ пекех чĕрĕ-сывă паян та. Админа - сĕнÿ: вĕсемпе материалсем хатĕрлемелле. Хăйсем çыраççĕ-и е интервью_и? Атту сÿтĕлетпĕр, сÿтĕлетпĕр, пĕр сăмаха пин хут калатпăр.
Тепĕр самант. Гуманитари институтĕнче уйăх каялла иртнĕ конференцире пĕр=ик чĕлхеçĕпе лесниксăр тата пайтаçăсăр пурте-пурте (!!!!) хальхи правилăсене сыхласа хăвармаллине палăртрĕç. Сăмах май, М. Скворцов та.Вăл вара 20 çул каялла питĕ хирĕç пулнă. Вăхăт кăтартса пачĕ ЧĂВАШ ЧĔЛХЕÇИСЕН ПЫСĂКРАН ТА ПЫСĂК ПАЙĔ тĕрĕс ĕç тунине. Пире паян стабильлĕх кирлĕ. Çамрăк ăрăва хаçат-журанрлатан пистерес марччĕ. "Тантăш" хаçат тиражне пăхăр-ха. Çитес çур çулта мĕн чухлĕ юлать?