Сайта кӗр | Регистраци | Сайта кӗрсен унпа туллин усӑ курма пулӗ
 +11.0 °C
Ват ҫын — тӑват ҫын.
[ваттисен сӑмахӗ]
 

Софья Савнеш: Тĕлĕнмелле çынсен ăссăрла ĕçĕсем

Софья Савнеш15.02.2015 21:071720 хут пӑхнӑ

Хăш-пĕр çын хăйĕн пурнăçĕнче ăнланмалла мар, тĕлĕнмелле ĕçсем тăвать. Вĕсенчен тĕлĕнмелли çеç юлать.

 

Таджикистанри пĕр çын сектăна çÿренĕ. Унта хăйне евĕр йĕрке пулнă. Вĕсене пăхăнса вăл хăйĕн каяшĕсене кăмакара çунтарнă. Çапла вăл Çĕр çинчи экологие варалас мар тенĕ. Анчах вăл çутçанталăка тĕтĕм варалани пирки шухăшламан-тăр.

 

Эстонири 45 çулти çын вĕçме вĕренесшĕн пулнă. Мĕнле? Ятарлă хăнăхтарусем тунă, диетăна пăхăннă. 45-ре вăл 52 килограмм çеç тайнă. Вăл аллисене çуната çавăрасшăн хăтланнă. Вăл вĕсен çумне пĕр пăт таякан кире пуканĕ çирĕплетнĕ, çапла алă вăрăмланасса шаннă. Кăштахран ÿтне кайăк тĕкне лартма шутланă. Анчах ăна психика тĕлĕшĕнчен сывă мар тесе йышăннă та сипленме янă.

Францири çамрăк çын банк çаратма ĕметленнĕ. Хăйне евĕр мелпе. Вăл кашни кун банк стенине пĕрер кĕленче уксус сирпĕтнĕ. Уксус стенана çисе ярасса шутланă. Вăл унтан ăна çĕмĕрсе шала кĕрĕ-мĕн. Паллах, нимĕн те пурнăçланман. Стена мармортан пулнă, ăна вара уксус çимест.

 

АПШри пĕр çыннăн пурăнас килми пулнă. Çапла майпа вăл хăйĕн çине алă хума шутланă. Вăл темиçе гамбургер, купăста, шалча пăрçи туяннă. Унтан йăлтах çисе янă та çывăрма выртнă. Вăл хăйĕн газĕсене пула чыхăнса вилнĕ. Паллах, кун пек майпа çын вилме пултараймасть, анчах АПШра пурăннăскер астмăпа чирленĕ, ÿпки çакна чăтайман. Виличчен çыру çырнă. Унта вăл ку уншăн çăмăл, ыраттарман мел пулнине палăртнă.

 

Пĕр çынна сарайĕ ăçта ларни килĕшмен. Вăл кивĕ вакунран пулнă. Хайхискер ăна куçарасшăн пулнă, анчах çынсене тара тытма укçи пулман. Çавăнпа вăл вакуна тапма пуçланă. Вăл ăна куçарасса куçарнă-ха, анчах нумай мар. Çулталăк çурăра вăл ăна 1,5 метра яхăн куçарнă. Анчах вăл кунпа кăна çырлахасшăн мар-ха.

 

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org