Сайта кӗр | Регистраци | Сайта кӗрсен унпа туллин усӑ курма пулӗ
 +26.0 °C
Шаланкӑ шыв кӑларать, ула курак пырса ӗҫет.
[ваттисен сӑмахӗ: 2507]
 

Софья Савнеш: Тупсăмĕ çук сăнÿкерчĕксем

Софья Савнеш14.01.2015 17:481919 хут пӑхнӑ

Тĕнчере тĕлĕнмелле, хăш чухне пуçа вырнаçмалла мар сăнÿкерчĕксем пулаççĕ. Вĕсемпе паллашар.

Марисан тытăмĕ.

2004 çулта Opportunity Марс çинче микроскоп пулăмĕсене асăрханă. 2012 çулта та хăйне евĕр сăн тунă. Унта йалтах лайăхрах курăннă-мĕн.

Хук утрав хĕрринчи тинĕсри темĕнле чĕрчуна ÿкерни.

Çакна чылайăшĕ фотошопра тунă тесе шухăшлать. Анчах Франци фотографĕ Роберт ле Серрек çак паллă мар чуна 1956 çултах ÿкернĕ. Ку сăн зоологсен хушшинче тавлашу çуратнă.

Хура рыцарь.

Паллă мар объекта Çĕр спутникĕ 1960 çулта сăн тунă. Поляр орбитинче çав объект лайăх курăнать. Вăл ССР спутникĕ те, АПШ спутникĕ те пулма пултарайман. Унтанпа ăна темиçе хут та курнă. Вăл çухалать те татах тупăнать.

Кинемей.

Техасра чÿкĕн 22-мĕшĕнче АПШн 35-мĕш президентне Джон Кеннедие персе вĕлернĕ. Çав вырăнта тунă сăнсене тишкернĕ чухне специалистсем çутă плащ тăхăннă хĕрарăма асăрханă. Вăл чылай сăн çинче пур, аллинче фотоаппарат тытать. ФБР ĕçченĕсем ăна самай шыранă, анчах ниепле те кам пулнине пĕлеймен.

Чарли Чаплин фильмĕнчи карас телефон.

Фильмри пĕр кадрта пĕр хĕрарăм курăнать. Вăл аллинче темĕнле япала тытать. Ахăртнех, вăл карас телефона аса илтерет. Джордж Кларк кинорежиссер çак кадрсене çулçÿревçĕсем вăхăта улăштарса çÿренине палăртать. Чылайăшĕ хĕрарăм илтмелли трубка тытнине ĕнентерет. Анчах вăл мĕншĕн йăл кулать тата унпа темĕн калаçать?

Хессдален йăлăмĕнчи çулăм.

1907 çулта педагогсен, студентсен, ăсчахсен ушкăнĕ Норвегире уйлăх йĕркеленĕ. Вĕсем "Хессдален çулăмĕ" ятлă паллă мар япалана тĕпчесшĕн пулнă. Çутă каçра Бьёрн Хуаге çак сăна тунă. Объект кремнирен, тимĕртен, скандирен тăмалла. Ăсчахсем вăл мĕн пулма пултарни пирки халĕ те пуç ватаççĕ.

Паллă мар бунтарь.

Ăна Пекинри Тяньаньмэнь тÿремĕнче 1989 çулта тунă. Темĕнле хĕç-пăшалсăр çын танксен колоннине çур сехет тытса чарнă. Ун пирки тек никам та нимĕн те пĕлмен. Ăна чылай кăларăмра пичетленĕ.

Солуэй-Фертри космонавт.

1964 çулта Джим Тамплтон Солуэй-Ферт кÿлмек çывăхĕнче уçалса çÿренĕ. Çемье пуçĕ хăйĕн 5 çулти хĕрне сăн ÿкерме шутланă. Вĕсем çав вырăнта урăх никам та пулманнине ĕнентереççĕ. Сăнÿкерчĕк çинче вара тĕмĕнле кÿлепе тухнă. Сăна нимĕнле майпа та улăштарманнине çирĕплетнĕ.

Годдар сэрăн эскадронĕ

Ку Годдар эскадронĕн сăнĕ. Вăл Пĕрремĕш тĕнче вăрçинче çапăçнă. Чи çÿлте пĕр офицер хыçĕнче сăн-пит курма пулать. Эскадрон пайташĕсем хăйсен унчченхи механикне палласа илнĕ. Вăл икĕ кун маларах вилнĕ-мĕн. Сăн ÿкерĕннĕ кун ăна пытарнă пулнă.

Уйăх çинчи пирамидăсем.

Çÿлте - Уйăх сийĕ. Сăн ытлашши çутă тухнă тесе палăртнă. Анчах ăна лайăхлатсан та унта пирамидăсем курăннă.

 

Комментари:

Agabazar // 1905.95.1219
2015-01-19 00:49
Agabazar
Лох-Несс тĕлĕнтермĕшне кăтартмалла пулнă тата. :-)

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org