Сайта кӗр | Регистраци | Сайта кӗрсен унпа туллин усӑ курма пулӗ
 +1.0 °C
Уйӑх ҫути — ҫул ҫути, хӗвел ҫути — кун ҫути.
[ваттисен сӑмахӗ]
 

Таисия Ташней: Йӑпӑлтатма пӗлекенсене кӑна юратаҫҫӗ-ши пуҫлӑхсем?

Таисия Ташней28.12.2014 07:331638 хут пӑхнӑ

Ҫӗнӗ ҫул умӗн республикӑри 46 ҫын тӗрлӗ шайри патшалӑх наградине тивӗҫрӗ. Вӗсен хушинче тухтӑрсемпе вӗрентекенсем те, ӑслӑлӑх ҫыннисем те, промышленноҫра тата ял хуҫалӑхӗнче тӑрӑшакансем те пур. Ҫавсенчен пӗрне те чыс-хисепе тивӗҫ мар тесшӗн мар-ха. Шухӑшӑм – урӑххи пирки. Награда илес тесен епле ӗҫлемелли пирки. Тепӗр тесен, ку ыйту «Пурте иртен пуҫласа каҫчен ӗҫлетпӗр, тупӑшӗ вара тӗрлӗрен», – текен шухӑшпа пӗр пекрехӗн туйӑнать.

Нумаях пулмасть пӗр районта пултӑм. Ял хуҫалӑхӗнче ӗҫлекен пӗр ҫамрӑк механизатора «Чӑваш Республикин тава тивӗҫлӗ ял хуҫалӑх ӗҫченӗ» хисеплӗ ят илтерессишӗн районтан сӗнсе ҫырчӗҫ. Хайхи лайӑх ӗҫлени пирки иккӗленместӗп-ха: стажӗ 17 ҫул иккен, ҫав шутра 10 ҫулне пӗр хуҫалӑхра тӑрӑшать-мӗн. Маларах вӑл республикӑн тата Раҫҫейӗн Ял хуҫалӑх министерствисен грамотисене тивӗҫнӗ. Ҫывӑх вӑхӑтра вӑл тава тивӗҫлӗ ӗҫчен пулса тӑрӗ ахӑртнех. Тӑтӑрах. Шел-им? Анчах кунта мана пӗр самант шухӑша ячӗ. Ҫав арҫынпа пӗрлех пӗр предприятире 40 ҫула яхӑн тӑрӑшакан хӗрарӑма Чӑваш Республикин Патшалӑх Канашӗн Хисеп хутне илме тӑратрӗҫ. Тӑватӑ теҫетке ҫул ӗҫлекескер ҫав шайри наградӑна кӑна тивӗҫ-ши?

Тепӗр тесен, ырми-канми тӑрӑшакан, анчах пуҫлӑхсемпе хитре юптарма-сӑмахлама пӗлменнисем айккинче миҫен тӑрса юлмаҫҫӗ-ши?! Тахӑҫан Шупашкар районӗнче ӗҫленӗ чух унти Депутатсен районти пухӑвне вӗҫӗмех ҫӳреттӗм. Унта та ытти ыйтупа пӗрлех награда ыйтӑвне пӑхса тухатчӗҫ. Района ҫав вӑхӑтра ертсе пынӑ Анатолий Князев тӗрлӗ шайри пуҫлӑхсене чыса тивӗҫҫисене награда илме тӑратма вӗҫӗмех чӗнсе калатчӗ. «Ҫынсене хавхалантармалла», – тетчӗ вӑл.

Чӑн та, ҫынна хавхалантарма-хаваслантарма нумай та кирлӗ мар тейӗн. Вӑхӑтра каланӑ ӑшӑ сӑмах, тав туни, тепӗр тесен, пӗр-пӗр награда… Ӑна ертӳҫӗсем хӑйсен кӗсйинчен кӑларса тыттармаҫҫӗ-ҫке. Е йӑпӑлтатма пӗлекенсене кӑна асӑрхаҫҫӗ-ши?

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org