Сайта кӗр | Регистраци | Сайта кӗрсен унпа туллин усӑ курма пулӗ
 +16.0 °C
Епле пысӑк юхан шыв та пӗчӗк шывран пуҫланать.
[ваттисен сӑмахӗ]
 

Таисия Ташней: Телейлӗ пуласси… ыттисен ар ҫыхӑнӑвӗнчен килет

Таисия Ташней23.11.2014 08:011703 хут пӑхнӑ

Ӑсчахсем темле тӗпчев те ирттереҫҫӗ те, халӗ, ав, вӗсем ҫын телейлӗ пуласси мӗнрен килнине тӗпченӗ. Ҫак туйӑм кӳршӗсен ар ҫыхӑнӑвӗн пахалӑхӗпе ҫыхӑннӑ имӗш.

Ҫӗнӗ тӗпчев палӑртнӑ тӑрӑх, арлӑ-арӑмлӑ хутшӑнусем тупӑш виҫи евӗрех: унӑн пахалӑхне ӗненсен кӑна вӑл телей кӳрет-мӗн. Пурнӑҫра ар ҫыхӑнӑвне ҫын мӗн чухлӗ ытларах кӗрет, хӑйне вӑл ҫавӑн чухлӗ телейлӗрех туять иккен.

Америкӑри Пӗрлешӳллӗ Штатсенчи Колорадори университетӑн социологи профессорӗ Тим Вадсдорф 1993 ҫултан пуҫласа 2006 ҫулччен пухнӑ кӑтартусене сӑнаса пӗтӗмлетнӗ те тӗлӗнмелле шухӑш патне ҫитсе тухнӑ.

Тишкернӗ чух 1972 ҫултанпа халӑхра ирттерсе пынӑ 15 пин ытла ыйтӑма та шута хунӑ. Ун вӑхӑтӗнче ҫынсенчен телейлипе телейсӗрри пирки кӑсӑкланнӑ. Хайхисен «питех телейлӗ мар», «питӗ телейлӗ», «телейлӗ» вариантсенчен пӗрне суйламалла пулнӑ. Ыйтӑва хуравланӑ чух вӗсем пур фактора та шута хунӑ: ҫемьеллипе ҫемьесӗррине, тупӑш шайне, ҫула, сывлӑха.

Уйӑхра сахалтан та виҫӗ хут арлӑ хутшӑнупа пурӑнакансем хушшинче хӑйсене «питӗ телейлӗ» тесе шухӑшлакансем 30 процент ытла иккен. Арлӑ хутшӑнӑва кашни эрнере кӗрекенсем хушшинче хӑйсене 40 проценчӗ «питӗ телейлӗ» тесе шухӑшлать-мӗн. Эрнере виҫӗ хут ар ҫыхӑнӑвӗпе пурӑнакансем ыттисенчен икӗ хут телейлӗрех тесе пӗлтернӗ.

«Секс, чи пысӑк телей патне ӑнтӑлни. Ҫынсен ар ҫыхӑнӑвӗ пирӗн пурнӑҫа епле витӗм кӳни» ятпа ирттернӗ тӗпчев тӗлӗнмелле пӗтӗмлетӳ патне ҫитернӗ. Ар ҫыхӑнӑвӗпе пурӑнсан та ҫын хӑйӗн тантӑшӗсем ку енӗпе унран хастартарах тесе шухӑшласан телейсӗртерех туять иккен. Урӑхлараххине пӗлсен хӑйне самай телейлӗрех тет имӗш.

Тим Вадсдорф профессор ҫапла пӗтӗмлетнӗ. Уйӑхра ар ҫыхӑнӑвне кӗрекен ҫын хӑйӗн тантӑшӗсем унран та ытларах ҫак енӗпе киленеҫҫӗ тесе шухӑшласан хайхин телей шайӗ тӳрех 10 процент чакать. Ҫапла вара этем пурнӑҫӗнче арлӑ хутшӑнусем ытларах пулни ӑна телей туйӑмӗ кӳрет. Анчах ҫакӑ ытларах тесе шухӑшлани тата хаваслӑрах туйтарать имӗш.

Ҫыннӑн тупӑшне унӑн ҫӗнӗ тата хаклӑ машини е вӑл епле тумланни тӑрӑх тавҫӑрма пулать тӗк, ҫынсем ар ҫыхӑнӑвне час-час кӗнипе-кӗменнине тавҫӑраймӑн. Колорадо ӑсчахӗн пӗтӗмлетӗвне аса илсен кӑна ӗнтӗ: савӑк та хавас кӑмӑллисен пурнӑҫӗнче ар хутшӑнӑвӗ те ытларах-тӑр тесе шухӑшламалла-тӑр вара…

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org