Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Ҫынна йывӑр ан кала, ху та ҫавна курӑн.
[ваттисен сӑмахӗ]
 

Софья Савнеш: Пӗчӗк самӑр лори

Софья Савнеш22.11.2014 19:003607 хут пӑхнӑ
Пӗчӗк самӑр Лори (Nycticebus pygmaeus) – пысӑках мар, пысӑк пӑрӑнтӑк калӑпӑшлӑскер ҫеҫ, лори ҫемйинчи чӗрчун. Унӑн кӗлетки 23 сантиметртан вӑрӑмрах мар, вӑл 800 грамм ҫеҫ таять. Ку чӗрчун тропикӑри ҫӑра вӑрмансенче, Вьетнамри, Лаосри, Таиландри, Китайри тата Камбоджӑри бамбук вӑрманӗсенче пурӑнать. Хӑш чухне самӑр лорине лемурсемпе ҫыхӑнтараҫҫӗ. Анчах ку тӗрес мар.

Ку чӗрчун питӗ интереслӗ. Вӑл кӗске, ҫӑра ҫӑмлӑскер. Тӗсӗ – хӑмӑртарах, сарӑрах. Хӳри ҫук.

Пӗчӗк ҫаврака пичӗ ҫинче – пысӑк куҫсем тата пӗчӗк хӑлхасем. Куҫӗ тавра хура йӗр пур, ун хушшипе ҫутӑ йӗр каять. Вӑл клоун маскине тӑхӑннӑ тейӗн. Сӑмах май, самӑр лори хӑйӗн ятне Голланди чӗлхинчен тивӗҫнӗ. Вӑл «клоун» тесе куҫать.

Тӗлӗнмелле те, ку чӗрчун наркӑмӑшлӑ. Чавсин шал енче парсем пур, унтан тухакан шӗвек сурчӑкпа хутӑшсан питӗ наркӑмӑшлӑ. Приматсен йышӗнче унашкалли ҫук. Ҫавна май чи наркӑмӑшлӑ чӗрчунсен рейтингӗнче вӑл пӗрремӗш йӗркене йышӑннӑ.

Чӗрчун ытларах каҫхине тухать. Вӑл лаппипе йывӑҫ турачӗсенчен нумай вӑхӑт тытӑнса тӑрать. Самӑр лори майӗпен куҫса ҫӳрет, ҫавӑнпа ҫулҫӑҫем хускалмасӑр юлаҫҫӗ. Анчах вӑл сикме пӗлмест.

Лорисем пӗччен, ыттисенчен аякра, пурӑнаҫҫӗ. Кашни хӑйӗн территорине шӑкпа паллӑ тӑвать. Унпа пӗрле тухакан ферментсене пула аҫи ами чупма хатӗррине пӗлет. Ами пӗр е икӗ ҫурине хырӑмра 188 кун йӑтса ҫӳрет. Вӑл турат ҫинчех ҫуратать. Ҫуралсан вӗсем амӑшӗ тӑрӑх, ҫӑмӗнчен ҫакланса, чупаҫҫӗ.

Тепӗр икӗ эрнерен ҫурисем йывӑҫ тӑрӑх ҫӳрееҫҫӗ. 9 уйӑх вӗсем амӑшӗпе пурӑнаҫҫӗ. Самӑр лори ӳсен-тӑранпа та, хурт-кӑпшанкӑпа та тӑранать. Вӑл вӗсене ҫивӗч куҫӗ пулӑшнипе тухать.

Ытти приматпа танлаштарсан, лори чӗмсӗр. Ытларах амӑшӗпе ачисем «калаҫаҫҫӗ». Е мӗн те пулин сиксе тухсан сасӑ параҫҫӗ.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем