Каҫхи тӳпере тухакан янкӑрах мар ҫӑлтӑрсен шупкарах ярӑмӗ ҫынсене мӗн авалтан пӑлхантарнӑ та тӗлӗнтернӗ. Вӑл мӗн иккенне хальхи ҫынсем аван пӗлеҫҫӗ. Вӑл – Хуркайӑк ҫулӗ.

Хуркайӑк ҫулӗн курӑнакан ӳкерчӗкӗ пирӗн Хӗвел системи галактикӑн тепӗр енче пулнипе ҫыхӑннӑ. Эпир ӑна ҫӑлтӑрсем пуҫтарӑннин лаптаклӑхӗн шал енчен куратпӑр.

Хуркайӑк ҫулӗ Ҫурҫӗр ҫур чӑмӑрӗнче Ӑмӑрткайӑк, Ҫӗмӗрен, Тилӗ, Сар кӑмпа, Акӑш, Цефей, Кассиопеи, Персея, Возничий, Пӑру тата Йӗкӗрешсен ҫӑлтӑрсен ушкӑнӗпе иртет. Кӑнтӑр ҫур чӑмӑрӗ патне ҫитсен Единорог, Корма, Парӑс, Кӑнтӑр Хӗрес, Циркуль, Кӑнтӑр Виҫкӗтеслӗх, Скорпион, Ухӑҫӗ ҫӑлтӑрсен ушкӑнне лекет.

Ухӑҫӑ ҫӑлтӑрсен ушкӑнӗ ҫурҫӗр широтара горизонт ҫинче ҫӳле хӑпармасть, ҫавӑнпа та унта Хуркайӑк ҫулӗ Кӑнтӑр ҫур чӑмӑрти евӗр палӑрсах каймасть. Унӑн вӑтам линийӗ галактика экваторӗ ятлӑ. Хуркайӑк ҫулӗ Андромеда галактикипе, Виҫкӗтеслӗх галактикипе тата 40 ытла галактика-спутникпа – хӑйсен Андромедипе – Вырӑнти Ушкӑн йӗркелет.