Сайта кӗр | Регистраци | Сайта кӗрсен унпа туллин усӑ курма пулӗ
 +26.0 °C
Выртакан чул мӑкланать, ҫӳрекен чул якалать.
[ваттисен сӑмахӗ]
 

Софья Савнеш: Рекордсен кӗнекине кӗме пултарнӑ хӑйне евӗр пулӑмсем

Софья Савнеш01.11.2014 18:021997 хут пӑхнӑ

Рекордсен Гиннес кӗнекине кам кӑна кӗмен пулӗ? Ӑна тишкерме яланах кӑсӑклӑ. Уйрӑмах тӗлӗнмелле, хӑйне евӗр ӗҫсем тунӑ ҫынсем пирки пӗлме интереслӗ.

Нью-Йоркра FAO Schwarz куравра паллӑ кондитер Алэн Роби шӑккалатран чи пысӑк конструкци тунӑ. Вӑл – 6,1 метр ҫӳллӗш.

 

2009 ҫулхи нарӑсӑн 14-мӗшӗнче Винковси хулари поварсен ушкӑнӗ тӗнчери чи вӑрӑм кӑлпассие хатӗрленӗ. Вӑл – 530 метр тӑршшӗ.

 

11 ҫулти арҫын ача хӑйӗн ҫуралнӑ кунне пичӗ ҫине 43 шуй вырнаҫтарма ирӗк панӑ. Мӗнле майпа? Фин Кехелер ҫапла хуравланӑ: вӑл куҫне хупнӑ, тутине пӗтӗрнӗ – кун пек майпа шуй ҫӑвара кӗмест.

 

116 ҫынран тӑракан ушкӑн сивӗ ҫанталӑкра Лондонра аялти тум вӗҫҫӗн ҫеҫ тӑнӑ. Вӗсем Гиннес кӗнекине аялти тумпа чи нумаййӑн пухӑннине пула кӗнӗ.

 

Чехири Факир 10 кун йывӑҫ тупӑкра ҫӗр айӗнче шывсӑр, апатсӑр выртнӑ. Факира уҫӑ сывлӑшпа вентиляци пӑрӑхӗ ҫыхӑнтарнӑ.

 

«Тӗнчери чи пысӑк Барбекю» конкурсра пӑру ашӗнчен хатӗрленӗ какай ҫӗнтернӗ. Вӑл 1 500 метр тӑршшӗ, 12 килограмм тайнӑ. Ку 2008 ҫулхи ака уйӑхӗн 12-мӗшӗнче пулнӑ.

 

Медитаци учительне Шри Чинмоя 73-мӗш ҫуралнӑ кунне чи пысӑк чечек ҫыххи парнеленӗ.

 

Израильти Кармит тата Дрор 30 сехет те 45 минут пӗр чарӑнмасӑр чуптунӑ. Ҫак вӑхӑтра вӗсем шыв ӗҫмен, апат ҫимен, душ кӗмен – тӑрса чуптунӑ ҫеҫ.

 

2002 ҫулта Чикагӑра чи пысӑк канфет «ҫуралнӑ». Вӑл 18 килограмм йывӑрӑш пулнӑ.

 

Санта-Барбарӑри Мэтт Мак Эллистер Гиннес кӗнекине футболкӑсем тӑхӑннипе кӗнӗ. Вӑл пӗр харӑс 121 футболка тӑхӑнма пултарнӑ.

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org