Аксар Чунтупай: Каллех чӑваш чӗлхине тапӑнаҫҫӗ

Аксар Чунтупай25.09.2014 17:3316472 хут пӑхнӑ

Красноармейскинче пуҫламӑш классенче чӑваш чӗлхи вӗрентме пӑрахаҫҫӗ иккен. Ку хыпара илтсен тӗлӗнсе хытса кайма пулать. Суя пуль ку тетӗн. Чӑваш районӗнче чӑвашла вӗрентме чараҫҫӗ те... Ҫук иккен, чӑнах. Вӗрентӳ пайӗнчи канашлу хыҫҫӑн шкул директорӗсем васкасах вӗренӳ программисене улӑштарма васканӑ: вырӑс шкулӗн пуҫламӑш класӗсенче чӑваш чӗлхин пӗр сехетне те хӑварман, чӑваш шкулӗн 5-мӗш класӗнче чӗлхе урокӗсен шутне чакарнӑ. Ку ҫеҫ те мар: 5-9 классенчи тӑван ен культурин урокӗсене те пӑрахӑҫланӑ. Расписание улӑштарса ҫакма та ӗлкӗрнӗ. Мӗн ку? Мускав хушать-и е хамӑр "ӑсран тайӑлатпӑр"? Е хамӑр хамӑра пӗтеретпӗр? Вӗрентӳ министерстви ирӗк парать пулсан, ку тата та тӗлӗнмелле... Чӑваш халӑхне хирӗҫ тунӑ тӑшман сӑтӑрӗ (диверсийӗ) вырӑнне хума пулать кӑна...

Постскриптум: Чӑваш чӗлхин урокӗсене ырӑ ҫынсем тӑрӑшнипе каялла тавӑрнӑ, анчах тӑван ен культури урокӗсем ҫав шайрах (пӗр сехет те ҫук) юлнӑ теҫҫӗ.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (47)]

Ҫавӑн пекех пӑхӑр

2023.09.14

Комментари:

Аксар Чунтупай // 7227.2.1991 2014.09.27 21:09
	Ман чуна никам та илеймĕ - эпĕ нихăçан та сутăнман... Анархист Акапасар куншăн савăннишĕн вара ним тĕлĕнмелли те çук-ха...
Agabazar // 4282.51.9704 2014.09.27 21:27
	Акапасар иккен-ха ку, Трак ачисене чăвашла вĕрентме пăрахнишĕн савăнаканни....
Agabazar // 4476.9.6528 2014.09.28 14:23
	Ĕнтĕ чăвашăн пĕртен-пĕр савăнăç çеç тăрса юлать: "Крым пирĕн!" тесе каçса кайса хĕпĕртесси.
Аксар Чунтупай // 3237.53.8866 2014.09.28 15:50
	Крым чăваш чĕлхине нихăш енчен те тĕкĕнмест вара, Акапасар хăта...
Agabazar // 4476.9.6528 2014.09.28 16:16
	Эп "тĕкĕнет" тесе каларăм-и? :-( Эп каларăм "Крым пирĕн" пулса тăни чăвашшăн чăтма çук пысăк савăнăçа çаврăнни пирки. Çавă çеç.
Agabazar // 2616.15.9234 2014.09.28 22:35
	Аксар Чунтупай // 3237.53.8866 2014-09-28 15:50 <<Крым чăваш чĕлхине нихăш енчен те тĕкĕнмест вара, Акапасар хăта...>> Крым пĕтĕм тĕнчене кисретет те, чăваша тĕкĕнмест имĕш. Пулма пултарать-и çавнашкал? Пурнăç çине, йĕри-тавралла, çаврăнса пăхăр та курăр: тĕкĕнмест-и унта е тĕкĕнет-и?...
Аксар Чунтупай // 3341.40.4481 2014.09.29 20:27
	Ан савăн, Акапасар, чăвашлăхшăн тăрăшакансем çине тăнипе ку киревсĕрлĕхе пăрахăçланă... Чăваш чĕлхи урокĕсене каялла тавăрнă.