Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Ҫиччӗ виҫ те пӗрре кас.
[ваттисен сӑмахӗ]
 

Таисия Ташней: Кӑмӑла каймалли хальхи вӑхӑтри 17 кӳлепе

Таисия Ташней11.07.2014 08:484038 хут пӑхнӑ

Хальхи вӑхӑтра та пултаруллӑ скульпторсем пур. Мӗнех, кӑмӑла каймалли ӗҫсемпе паллашар-ха эппин.

Михай Эминеску поэт, Румыни

Михай Эминеску ячӗ паян кирек епле румынпа молдаваншӑн та ҫветтуй евӗрех. Ун ячӗпе Румынинче ҫакӑн пек скульптура лартнӑ.

Лас-Колинасри (АПШ) тискер лашасем

Бронзӑран шӑратса тунӑ тискер лаша кӳлеписем вӗсен чӑн виҫинчен 1,5 хут пысӑкрах. Скульптурӑн тӗп шухӑшӗ – чарӑнми вӑй-хала, пуҫарулӑха тата ирӗклӗ кӑмӑл-туйӑма палӑртасси.

Сарӑлса пыни, АПШ

Тӗлӗнсе каймалли ҫак композици хальхи вӑхӑтри ӳнерӗн шедеврӗ шутланать теҫҫӗ. Пэйдж Брэдли скульптор хӑйӗн ҫак ӗҫне этеме сӑнлакан скульптурӑсене хурласа шухӑшланӑ май ҫуралнӑ тесе ӗнентерет-мӗн.

Ҫул урлӑ каҫни, Польша

Польшӑна хӑйӗн историйӗнче нумай йывӑрлӑхпа тӗл пулма тивнӗ. Ку палӑк ҫар положенийӗ ҫинчен калакан саккуна пула шар курнисене халалланӑ.

Гиппопотам, Тайвань

Тайбэй зоопаркӗнчи гиппопотамсен скульптури тискер чӗрчунсене перекетлемелли пӗлтерекен паллӑ.

Дунай хӗрринчи пушмаксем, Венгри

Венгринчи персе пӑрахнӑ еврейсене халалланӑ палӑк. Ӑна 2005 ҫулта лартнӑ.

Ирӗклӗх, АПШ

Зенос Фрудакис скульптуринче ыттисенчен утӑм хыҫҫӑн утӑм уйрӑлса каякан ҫынна сӑнланӑ.

«People of the River» палӑк серийӗсенчен пӗри. Юханшыв хӗррине пырса вырнаҫнӑ ҫынсене сӑнлать.

Еврейсене асӑнса лартнӑ мемориал, Краков

Еврейсене геттона янӑ чух ҫурт-йӗртен мӗнпур сӗтел-пукана илсе тухнӑ. Ҫапла хӑтланни ачасене пытарса хӑварттарас теменнипе ҫыхӑннӑ.

Лосось скульптури, АПШ

Портлендри ҫак скульптура ҫурта шӑтарсах тухнӑ.

Арӑслансем, Великобритани

Кендра Хейст скульпторӑн ӗҫӗнчи хура арӑслансем Лондонри Тауэра кӗтмен хӑнасенчен сыхлаҫҫӗ.

Маман эрешменӗн скульптури, Токио

9 метрлӑ скульптурӑна бронзӑран, тутӑхман тимӗртен, мрамортан 2007 ҫулта тунӑ. Луиза Буржуа скульптор ӑна амӑшне халалланӑ.

Келпи пысӑк лашасем, Шотланди

Ӑна 7 ҫул тунӑ. Скульптура 30 метр ҫӳллӗш. Вӑл йывӑр туртакан лашасенчен Шотланди промышленноҫӗпе экономики амалланнине палӑртать.

Ирӗклӗх ҫулӗ, Вильнюс

Литва патшалӑхне чӗртсе тӑратнӑранпа 20 ҫул ҫитнине халалланӑ.

Телефон будкисем, Великобритани

К6 модельлӗ шутран кӑларнӑ телефон будкисем аваллӑха юлнӑ тапхӑра палӑртаҫҫӗ.

Эмигрантсем, Ирланди

Ирландинчи выҫлӑх ҫулӗсем ҫӗршывӑн историйӗнче тарӑн йӗр хӑварнӑ. Ҫав вӑхӑтра вӑл халӑхӑн 20–25 процентне ҫухатнӑ. Палӑка Дублин варринче вырнаҫтарнӑ.

Юратса пӑрахнӑ драконсем, Болгари

Д. Лазаров скульптор ку ӗҫе ачасене савӑнтарас тесе ӑсталанӑ.

 
Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Ытти чӗлхесем

Баннерсем

Шутлавҫӑсем