Сайта кӗр | Регистраци | Сайта кӗрсен унпа туллин усӑ курма пулӗ
 +9.0 °C
Ҫӗнӗ тусна туп, киввине ан ман.
[ваттисен сӑмахӗ]
 

Софья Савнеш: Тӗлӗнмелле фактсем

Софья Савнеш24.06.2014 13:062131 хут пӑхнӑ
Тӗнчери мӗн пур япалана пӗлсе ҫитерме ҫук. Хӑш-пӗр япала чӑннипех те тӗлӗнтерет.

 

- 1916 ҫултанпа АПШра ҫуртсене почтӑпа яма чарнӑ. Ку саккун пӗр арҫын 40 тонна йывӑрӑш ҫуртне Юта штат урлӑ ярсан тухнӑ. Арҫын фрахт ставкисене нумай тӳлесшӗн пулман.

 

- 1997 ҫулта Мексикӑри хулара шапаллӑ ҫумӑр ҫунӑ.

 

- Ҫын ҫывӑрнӑ чухне шӑрша туймасть.

 

- Астронавтсене космоса вӗҫес умӗн пӑрҫа йышши культурӑсене ҫиме чараҫҫӗ: газсем скафандра сиенлетме пултараҫҫӗ-мӗн.

 

- Крокодилсем питӗ ӑслӑ. Вӗсем аяларах чӑмас тесе чул ҫӑтаҫҫӗ.

 

- Бутан – вӑрттӑнлӑхпа пуян ҫӗршыв. Унта мӗн чухлӗ ҫын пурӑннине паллӑ мар, мӗншӗн тесен юлашки ҫырав 1975 ҫулта иртнӗ.

 

- Ҫурҫӗрте пурӑнакан шурӑ упасем тытнӑ чӗрчунӑн ӳтне тата ҫӑвне ҫеҫ ҫиеҫҫӗ. Какайне ачисем тата вӑйсӑррисем валли хӑвараҫҫӗ.

 

- Хӑш-пӗр эскимос апат шӑнса ларасран ӑна холодильникре упрать. Урамра ҫав тери сивӗ иккен вӗсен.

 

- Тӗнчери океанра, хальччен кӑларнӑ ылтӑнпа танлаштарсан, 200 хут ытларах юлнӑ.

 

- Уильям Шекспир хӑйӗн ятне темиҫе тӗрлӗ мелпе каланӑ.

 

- Арӑслансемпе ӗҫлекенсем пуканпа усӑ кураҫҫӗ. Ҫак чӗрчунсем пӗр тӗллев лартаҫҫӗ те ун ҫине тапӑнаҫҫӗ. Ун ҫине пуканӑн тӑватӑ ури «тапӑннӑ» чухне арӑслан ҫухалса каять, каялла чакать.

 

- Ластик шухӑшласа кӑлариччен ҫынсем кӑранташпа чернила ҫӑкӑр татӑкӗпе тасатнӑ.

 

- Ҫын ҫывӑрнӑ чухне, телевизор пӑхнӑ чухнехипе танлаштарсан, пуҫ мими хастартарах.

 

- Геркулес эрешмен 100 грамм ҫеҫ таять пулин те 8 килограмм йӑтма пултарать. Ӑна Ҫӗр ҫинчи чи вӑйлӑ чӗрчун теме юрать.

 

- Японири халӑх ӗненнӗ тӑрӑх, сунчӑкпа чылай вӑхӑт усӑ курмасан вӑл пӗр куҫлӑ, пӗр ураллӑ Каса-Обаке ятлӑ усала ҫаврӑнать.

 

- Ҫынсем хӑйсене хӑйсем хӑналанакан ресторан чи малтан Нью-Йоркра пулнӑ. Унта арҫынсене ҫеҫ кӗртнӗ, вӗсем тӑрса ҫинӗ.

 

- Ҫие юласран сыхланмалли эмел гориллӑсене те каять.

 

- Колибри утаймасть.

 

- Нью-Гемпшир штатри номер паллисенче «Ирӗклӗ пурӑн е вил» тесе ҫырнӑ. Вӗсене ҫак штатри тӗрмесенче ларакансем валли хатӗрлеҫҫӗ.

 

- Библире Адампа Ева ҫинӗ пан улми пирки пӗр сӑмах та ҫук. Унта йывӑҫ ҫимӗҫӗ пирки ҫеҫ асӑннӑ.

 

- Францире пукане ҫын сӑнӗллӗ мар тӑк сутма чарнӑ.

 

- Канада – Инди сӑмахӗ, «пысӑк ял» тесе куҫать.

 

- Непал ялавӗ ҫеҫ тӑваткал е тӳрӗ кӗтеслӗ мар.

 

- Алӑра вӗри чей янӑ курка тытакан ҫыншӑн тавралӑх та ӑшӑрах пек туйӑнать.

 

Комментари:

Agabazar // 4163.0.9931
2014-06-27 10:51
Agabazar
<<- Канада – Инди сăмахĕ, «пысăк ял» тесе куçать.>>

Инди тесе Индостан çурутравĕ (Ази) çинчи çĕршыва калаççĕ. Кунта вара Америка континентĕнчи индейсем çинчен сăмах пырать

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org