Конкурса хутшӑнма 415 ачаран заявка йышӑннӑччӗ. Шел пулин те, хальлӗхе вӗсенчен ҫурри ҫеҫ http://www.make-test.ru/ сайта кӗрсе регистрациленнӗ. Пӗр йӑнӑш тӑваҫҫӗ пурте: конкурс шывӗ-йӗркине вуламаҫҫӗ. Вӑл кунта: http://chuvsite.ucoz.ru/news/ulap_2 ... lanat/2013-03-22-592

Пӗлме: Красноармейски район администрацийӗн вӗрентӳ пайӗн хушӑвӗпе килӗшӳллӗн Красноармейски районӗнчи тата Чӑваш Республикинчи шкулсенче 5-11 классенче вӗренекенсем валли «Улӑп – 2013: Эпир Улӑп йӑхӗнчен» уҫӑ тата инҫет вӑйӑ конкурс ирттерме йышӑннӑ. Ӑна Чӑваш чӗлхи кунне тата Раҫҫей халӑх артисчӗ, Чӑваш тата Дагестан Республикисен искусствӑсен тава тивӗҫлӗ деятелӗ, паллӑ чӑваш композиторӗ Ф.М.Лукин ҫуралнӑранпа 100 ҫул ҫитнине халалланӑ. Конкурса пуҫараканӗсем – В.М.Михайловпа З.П.Михайлова, Пӗтӗмӗшле вӑтам пӗлӳ паракан Красноармейски шкулӗн вӗрентекенӗсем.

Вӑйӑ конкурс ертӳҫи палӑртнӑ кун конкурса хутшӑнакан кашни вӗренекен хӑй кӑтартнӑ электрон ещӗкне «Вам поступило приглашение (Портал тестирования "Твой тест")» ятлӑ ҫыру, унпа пӗрле тӗрлӗ цифрӑсенчен тӑракан код илет. Ҫав кодпа усӑ курса унӑн http://www.make-test.ru сайта "как тестируемый (составитель тестов мар!)" ссылкӑпа кӗрсе хӑй ӳсӗм ушкӑнӗнче регистрациленмелле. Кодсем: Пӗтӗмӗшле код: 1365358043, 5-7 классен: 1365598014, 8-9 классен: 1365598035, 10-11 классен: 1365598061. Ҫапла майпа ҫеҫ вӑл хӑйне кирлӗ тест страницине лекме пултарать. Анчах та ҫакна манмалла мар: кашни хутшӑнаканӑн хӑйне килӗшекен Логин тата Пароль шухӑшласа кӑлармалла, ӑна, манса каясран, пӗр-пӗр хут ҫине ҫырса хумалла е электрон ещӗкне кӗрсе пӑхмалла. Тата ҫакна ас тумалла: тест ӗҫӗ тӳрех тухмасть, администратор ӑна сайта кам кӗнине, вӑл заявка панипе паманнине пӑхса уйрӑммӑн лартса парать. Вара тин сайта тепӗр хут кӗрсе ӗҫе пурнӑҫлама пулать.