Аçтахар Плотников: Этем иртӗхӗвӗ

Аçтахар Плотников23.09.2010 10:143968 хут пӑхнӑ

Ӗнер Алексей Зайцевӑн «Ачалӑхри пӗр кун» хайлавне вуларӑм. Асаилӳ (ӑна ҫак жанрпа ҫырнӑ) ҫапла вӗҫленет:

«...Ҫитмӗл ҫула ҫитрӗм ӗнтӗ. Унччен кун пирки шухӑшласах кайман. Халӗ ытла та сисӗнме пуҫларӗ. Ҫын тени, пурте мар та-ха, саккун пӳлмесен, патшалӑх ирӗк парсан мӗн чухлӗ май пур — ҫав таран иртӗхме пултарать. Патша вӑхӑтӗнче те, Сталин саманинче те, паян та ҫавах...»

Ҫакнашкал асаилӳсене вуланӑ май ӗненме те йывӑр — чӑн та вӗт, пуҫлӑхсем хуть те хӑш саманара алхаснӑ; чӑн та, вӑрҫӑ хыҫҫӑнхи ҫулсем йывӑр пулнӑ. Халь крахмал ҫитер-ха — нумайӑшӗ вӑл мӗн япала иккенне те пӗлмест. Эп те пӗлместӗп... Анне каласа панине ҫеҫ асилме пултаратӑп — пӗчӗккӗ чухне вӑл та крахмал пуҫтарма ҫӳренӗ.
Совет ҫӗршывне ҫӗнӗрен тӑратас тесе халӑх чӑн та вӑйне чылай панӑ.
Халӗ вара пирӗн пурнӑҫра — карас телефонӗсем, супермаркетсем. Кашни яла ҫитерме пултаракан такӑр ҫулсем пур — тӑватӑ сехет хушшинче республикӑн пӗр енчен тепӗр енне ҫитме пулать... Вӑйпа вара эпир самай хавшакрах пулӗ — хальхи халӑха крахмал ҫитереймӗн.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (1)]

Комментари:

insetchuv // 2067.60.2448 2010.09.24 19:42
	Паян та çапла... Пурнăç яланах пĕр пек çав, çыннисем, вĕсем калакан сăмахсем çеç расна, ĕçĕсем яланах пĕр пек, ытти те çаплипех çапла...