Ахмане — Чӑваш Енӗн Муркаш районне кӗрекен ял. Москаккасси ял тӑрӑхӗнче шутланать. Муркашран 14 ҫухрӑмра, Шупашкартан 33 ҫухрӑмра ларать.

Ялта пурӗ тӑватӑ урам: Андрей Петтоки ячӗллӗ урам, Симӗс урам (выр. Зеленая), Ҫурҫӗрти урам (выр. Северная), Кӑнтӑрти урам (выр. Южная).
Юнашар ялсем: Ситуккасси, Москакасси.

Тавралӑх

Ахмане ялӗ ҫывӑхӗнчи вырӑнсем: Шор олӑхӗ (лит. Шур улӑхӗ), Ҫтаппан авӑрӗ, Ахмане клавушши.

Сӑнсем

Ахмане пӗви	Ахманери ҫуртсем	Ҫӑл
Ахмане тавралӑхӗ	Ялпа юнашар юхакан шыв	Кӳлӗ

Ял кун-ҫулӗ

1917 ҫулхи пӑлхавӑрччен ҫырна хутсенче ял «Малые Ачкарясь», «Ахманейкасы» ятсемпе ҫырӑнса юлнӑ.
1859 ҫулта ялта 38 кил пулнӑ.
1920 ҫулхи утӑн 23-мешӗччен Чикме уесне, каярах Шупашкар уесне кӗнӗ. Ку пӗтӗм тапхӑрта ял Тутаркас вулӑсӗнче шутланнӑ.
1927 ҫулхи юпан 1-мӗшӗнче, районсем туса хунӑ хыҫҫӑн, Ахмане Тутаркас районне кӗнӗ. 1939 ҫулхи кӑрлачӑн 16-мӗшӗ хыҫҫӑн Сӗнтӗр районне, 1962 ҫулхи раштавӑн 20-мӗшӗ хыҫҫӑн Шупашкар районне, 1964 ҫулхи пушӑн 11-мӗшӗ хыҫҫӑн хальхи вӑхӑтченех Муркаш районне кӗрет.
2002 ҫул пуҫламӑшӗ тӗлне ялта 88 кил пулнӑ, вӗсенче пурӗ 161 ҫын пурӑннӑ.

Культура

Ялта фельдшерпа аккушер пункчӗ, спорт лапамӗ пур.

Паллӑ ҫыннисем

• Васильева Римма Яковлевна, Чӑваш Енӗн тава тивӗҫлӗ зоотехникӗ.
• Дегтярёв Геннадий Анатольевич — чӑваш чӗлхи тӗпчевҫи.
• Петтоки Андрей Трофимович — чӑваш сӑвӑҫи, тӑлмачӗ.
• Михаил Ахмане — чӑваш сӑвӑҫи.

Ҫул-йӗр

Ахмане ялӗнчен инҫе те мар М7 федераллӑ ҫул иртет, ун урлӑ районти, республикӑри кашни ялпа ҫыхӑнма май пур.

Хуҫалӑх

Яла шыв, газ кӗртнӗ.

Каҫӑсем

• Ахмане сӑнӗсем
• Москакасси ял тӑрӑхӗн сайчӗ

Ҫавӑн пекех пӑхӑр

• Москакасси ял тӑрӑхӗ