Сайта кӗр | Регистраци | Сайта кӗрсен унпа туллин усӑ курма пулӗ
 -3.0 °C
Ҫурхи кун кӗр тӑрантарать.
[ваттисен сӑмахӗ]
 

Ӑнтӑлу (Г. Юмарт)

Ырӑ, тирпейлӗ пурнассӑм килет.
Пурнӑҫ кӗрлевӗ хаяррӑн силлет,
Сӗм авӑра илӗртет, сӗтӗрет.
Пуҫӑм вара ҫаврӑнать, минӗрет,
Чун аташать, айхашать, иртӗхет...
Хурлӑх парнелӗ ултавлӑ реххет.
Ырӑ, тирпейлӗ пурнассӑм килет,
Манӑн курасчӗ сӑваплӑ тивлет.
Ҫут тӗнчере пӗр пулсассӑн кӑна
Хам ӑнтӑлсассӑн тутанӑп ӑна.
Ҫак шайлашу ҫӗклесе пынипе
Ырлӑхӗ ҫитӗ ҫынна пӗтӗмпе.
Пӳрнӗ пулсан – пархатарлӑ чӗре –
Пурнӑҫӑм ирттӗр хастарлӑ ӗҫре.
Ухӑнтӑр чун уҫлӑх юхӑмӗнче,
Ӑсӑм туптантӑр ун хумӗ ҫинче.
Ҫутӑ хӗвелӗн сипетлӗ ӑшши
Пултӑр ман кӑмӑлӑн тутлӑ тӗшши.
Аслӑ тӗнчемӗрӗн аслӑ кӗвви
Пултӑр ман шухӑшӑн чӗрӗ тӗвви.
Эй! тӗнчене тытакан ыр хӑват,
Пур нишлӗхрен хӑтарсамччӗ, сыват.
Ҫут тӗнчепе шайлашуллӑ тӑма
Ҫул кӑтартсамччӗ айван ӑсӑма.

Геннадий Юмарт
Сӑвва «Хыпар», 87№ (2008, ҫу, 5) хаҫатран илнӗ


 
 
Статья каҫми :: Пичет версиӗ

Admin тӳрлетнӗ, информацие 2008-05-14 20:12:21 вӑхӑтра улӑштарнӑ. 1938 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org