Янра, хаваслӑ юррӑмӑр
Хӗрӳллӗ ӗҫсенче.
Татах ҫӗн юрӑ пуҫлӑпӑр
Тӑван ҫӗршыв ҫинчен.
Нимле ҫӗршыв, нихҫан курман
Пур чаплӑ ӗҫсене
Тӑван ҫӗршыв пуҫарчӗ ман,
Ҫӗршыв чечекленет.
Атӑлпа Дон каналӗнче
Юхать шыв кӗрлесе,
Тинӗсӗсем пӗр-пӗринчен
Вӑй илчӗҫ, пӗрлешсе.
Пин-пин канал тӑрӑх шывсем
Сарӑлайса юхсан,
Кӑнтӑр енчи ҫеҫенхирсем
Ешерчӗҫӗ пуян.
Мухтавлӑ партие пула
Чечекленет ҫӗршыв.
Илемленет ялпа хула,
Чӗреҫӗм, юрӑ хыв.
Чун савӑнать, вӑй-хал ӳсет
Ҫак аслӑ ӗҫсенче.
Ырми-канми ӗҫлес килет
Телейлӗ кунсенче.
1952
Сайт пирки | Пулӑшу | Статистика
(c) 2005-2018 Chuvash.Org Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org ![]() |