Сайта кӗр | Регистраци | Сайта кӗрсен унпа туллин усӑ курма пулӗ
 -3.0 °C
Кӑмӑла кура кӑмӑл.
[ваттисен сӑмахӗ]
 

Ҫӗлен тесе вӑрҫаҫ Эптӗлмене (Шавлама)

Ҫӗлен тесе вӑрҫаҫ Эптӗлмене,
Сӗм вӑрманта куртӑм ҫӗлене.
— Эптӗлмен пек усал эп пулман, — тет, —
Эптӗлмен чул ҫынна йӗртмен, — тет.

Кашкӑр тесе вӑрҫаҫ Эптӗлмене,
Сӗм вӑрманта куртӑм кашкӑра.
— Эптӗлмен пек тискер эп пулман, — тет, —
Тӑр кӑнтӑрлах пӗртте ҫаратман. — тет.

Явӑл тесе вӑрҫаҫ Эптӗлмене,
Тӗттӗм каҫра куртӑм явӑла.
— Эптӗлмен пек путсӗр эп пулман, — тет, —
Эптӗлмен чул ылхан эп туман, — тет.

Халӑх мурӗ тесе вӑрҫаҫ Эптӗлмене,
Ҫеҫенхирте куртӑм мур чирне.
— Эптӗлмен пек шелсӗр эп пулман, — тет, —
Чӗрӗллех ҫынсене чикмен, — тет.

Эптӗлмен ҫӗлен мар, кашкӑр мар,
Эптӗлмен явӑл мар, мур чир мар,
Вӗсенчен те ирсӗр усал вӑл,
Вӗсенчен те тискер йӗксӗк вӑл.

Ҫавӑн пекех пӑхӑр

Шавламан ытти сӑввисене пӑхма пултаратӑр


 
Статья каҫми :: Пичет версиӗ

Admin тӳрлетнӗ, информацие 2006-12-18 22:39:14 вӑхӑтра улӑштарнӑ. 2253 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org