Сайта кӗр | Регистраци | Сайта кӗрсен унпа туллин усӑ курма пулӗ
 -16.0 °C
Инҫе хурсан, илме ҫывӑх.
[ваттисен сӑмахӗ]
 

Чӑваш тӑшманӗ пӗтмелле (Пайтул)

Ялтан тухса, мӑн Атӑл хӗррипе
Урхамаха сиктертӗм васкатса.
Кӗрешӗве чӗнеп чӑвашсене, —
Хӗҫе ҫӗклерӗм, ӗмӗт ҫуратса.

Вӑрмансенче те аслӑ хирсенче
Хӑравҫӑ кайӑк пек пытанар мар.
Ытарайми чӑваш ҫӗршывӗнче,
Чӑваш ҫынни, сассуна пар!

Кала эс хыттӑн: "Эпӗр чура мар.
Чӑваш тӑшманӗ пӗтмелле!"
Чӑваш ҫынни, хӑватлӑн сасӑ пар,
Чӑваш ҫынни, хӗҫне ҫӗкле!

Чӑваш ҫынни, тӑван, хастар пулар,
Чӑваш ҫынни, хӗҫне ҫӗкле!
Чӑваш ҫылнни, халь курӑр, чура мар,
Чӑваш тӑшманӗ пӗтмелле.

Ӑнлантаркӑч

1935 ҫулта Шупашкарта пурӑнакан Иван Ильин ватӑ юрӑҫӑран П.Ф.Филиппов учитель ҫырса илнӗ. П.Ф. Филиппов ӑна 1991 ҫулта "Вучах" хаҫат редакцине, Юхма Мишши патне упрама, май пулсан, пичетлеме ярса панӑ. Юхма Мишши архивӗнче упранать.

Ҫавӑн пекех

Пайтулӑн ытти юрри-сӑввисене вулӑр.


 
Статья каҫми :: Пичет версиӗ

Admin тӳрлетнӗ, информацие 2006-05-12 13:38:09 вӑхӑтра улӑштарнӑ. 2034 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org