Республикӑн Министрсен Кабинечӗ инкек-синкек пирки пӗлтермелли тытӑма ҫӗнетесси пирки калакан йышӑну кӑларнӑ. Ӑна Инкеклӗ ӗҫсен министерствин тӗп управленийӗпе тата Инкеклӗ ӗҫсен патшалӑх комитечӗпе пӗрле хатӗрленӗ.

Тытӑм епле ӗҫленине республикӑра ҫак уйӑхӑн 4-мӗшӗнче тӗрӗсленӗччӗ-ха. «Внимание всем» текен сигнала ун чух 74 электросиренӑпа тата хыттӑн пӗлтермелли 52 хатӗрпе ҫынсем патне ҫитернӗ иккен. Кунсӑр пуҫне Россия-1», «Россия-24», «Россия-К» телеканалсемпе тата «Маяк», «Радио России», «Чӑваш Енӗн наци радиовӗ» радиоканалсемпе систернӗ. Ку мероприятие «пысӑк виҫҫӗнлӗх» текен йыша кӗрекен карас ҫыхӑнӑвӗн операторӗсене те явӑҫтарнӑ-мӗн. Урамра хыттӑн пӗлтермелли хатӗрсем вырнаҫтарман Шупашкарӑн ҫӗнӗ микрорайонӗсенче вара сасса ӳстермелли станциллӗ 2 машина вырнаҫтарнӑ та информацие ҫавсем пулшӑнипе халӑх патне ҫитернӗ.

«Хырӑм хыр тӑрне хӑпартнӑ», — текен каларӑш ваттисем хушшинчен ахальтен мар ҫӳрет иккен. Кӑна, нумаях пулмасть Ҫӗнӗ Шупашкарта пулса иртнӗ пулӑм ҫирӗплетнӗ. Ку хутӗнче вара хырӑм тӑрантарас нушта арҫына хыр тӑрне мар, ҫурт тӑрне хӑпартма хӗтертетнӗ.

Совет урамӗн 15-мӗш ҫуртра пурӑнакан хӗрарӑм хӑй куҫӗпе темле арҫын «Дубрава» лавккан тӑрринче шашлык ӑшаланине курнӑ.

— Вырсарникун, юпан 13-мӗшӗнче 10–15 минут хушши палламан арҫын лавкка тӑрринче какай ӑшаласа тӑчӗ. Шашлыкӗ пиҫсе ҫитсессӗн хайхи ҫын иккемӗш хутра вырнаҫнӑ хваттере кӗрсе ҫухалчӗ, — каласа парать хӗрарӑм.

Ҫӗнӗ Шупашкарти РФ ОМВД штаб пуҫлӑхӗ Александр Алексеев палӑртнӑ тӑрӑх ку ӗҫ-пуҫа администрацилле йӗрке пӑсӑвӗ тесе хаклама пулать. Вара ашкӑнчака 500–2 500 тенкӗлех штрафлама е 15 кунлӑх хупса лартма пултараҫҫӗ.