Сайта кӗр | Регистраци | Сайта кӗрсен унпа туллин усӑ курма пулӗ
 +29.0 °C
Мӗн акнӑ, ҫав шӑтать.
[ваттисен сӑмахӗ]
 

Тӗн: Хуралтури Питравкка

Ӗҫ Интернет лавккана аталантарас енӗпе партнет шыратӑп. Паллашу Zoom урлӑ.
Паллашу Ырӑ кӑмӑллӑ илемлӗ ялти пурнӑҫа килӗштерекен хӗр-хӗрарӑмпа паллашса Ҫемье ҫавӑра...
Сутатӑп Тĕртнĕ(пусма) маска , 100 тенкĕпе сутатăп
Софья Савнеш 15.07.2015 22:27 | 1193 хут пӑхнӑ
Тӗн

Чӑваш таврапӗлӳҫисен пӗрлӗхӗн сайтӗнче Виталий Станьял хӑйсен енче Питрава мӗнле уявлани пирки пӗлтерет. Ҫав кунпа ҫамрӑксем ҫимӗк хаваслӑхне, уяв вӑййисене ӑсатса ярать.

Виталий Станьял хӑйсен енче, Шупашкар районӗнчи Вӑрман-Ҫӗктер тӑрӑхӗнче, Ҫимӗке Хравути поххи ятлӑ акатуйпа пуҫланине ҫырать. Кӑҫал вӑл Станьял ялӗ патӗнчи Чемен паттӑр картинче районти акатуйпа питӗ чаплӑ иртнӗ-мӗн. Чӑваш таврапӗлӳҫисен пӗрлӗхӗн ертӳҫи Сергей Сорокин акатуй тӗлне тӑватӑ пашнеллӗ, 16 «яллӑ» хулаш хӳми картарнӑ.

Ҫимӗк эрнисем Питравкка уявӗпе вӗҫленеҫҫӗ. Станьял палӑртнӑ тӑрӑх, халӗ чӑвашсен авалхи Питравкки вырӑс Петровкипе пӗрлешнӗ. «Питравкка тени «пӗтрекке» (кӑтра) тенинчен тухса кайнӑ теҫҫӗ, мӗншӗн тесен ҫав кун кашни ӑратне е кил-йыш Ҫут тӗнчене тав туса пӗтрекке така пусса чӳкленӗ. Пирӗн Ишлей-Шарпаш ушкӑнне кӗрекен 20 ял халӑхӗ Питравккана ӗмӗртенпех Салапай-Вӑрманкас тавринчи уҫланкӑсенче ирттернӗ. Кӑҫал ӑна Вӑрманкас ҫыннисем хӑйсен ялӗнчи авалхи вырӑна — Хуралту сӑрчӗ ҫине тавӑрчӗҫ», — ҫапла ҫырать Виталий Станьял. Вырӑнӗ историре ҫырӑнса юлнӑскер-мӗн. Тавралӑхӗ Кавказри пекех.

Малалла ҫапла ҫырать: «Тӑпӑлкка, хитре те тӳрем сӑрт ҫинче Атӑлҫи паттӑрӗсен тӑшманран сыхланмалли хулашӗ ларнӑ (ун пек пӗчӗк хулаш Атӑлъял патӗнчи Чура паттӑр сӑртӗнче те пур). Авалхи нӳхреп вырӑнӗсем Хуралту ҫинче халӗ те палӑраҫҫӗ. Уява пыракансене хулаш картинчен кӗрсен Паттӑрсене асӑнса купаланӑ Чулпалӑк кӗтсе илет. Малашне кунта пысӑк стелла тума тата Транквиллин Соминов таврапӗлӳҫӗ хатӗрленӗ алҫырӑва пуянлатса кӗнеке кӑларма шутлаҫҫӗ».

Вӑрманкас ҫыннисем Питравккана тӑрӑшса хатӗрленнӗ-мӗн. Вӑйӑ карти вырӑнне кавир сарнӑ, чатӑрсем карнӑ, сӗтел хатӗрленӗ. Ҫавӑнтах пичкери сӑра кӑпӑкланнӑ.

Халӗ те уявсем хитре иртнине палӑртать таврапӗлӳҫӗ. Виталий Станьял унта Хуралту, Чулпалӑк, Атӑлварри тата ытти авалхи ятсем пирки пӗлнӗ.

#Шупашкар районӗ, #йӑла-йӗрке, #чӑвашлӑх, #Станьял, #Ҫимӗк

Хыпар ҫӑлкуҫӗ: http://schk.su/a/news/5.html
 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org