Пуш уйӑхӗн 25-26-мӗшӗсенче чӑваш филологийӗпе культура факультетӗнче куҫӑмлӑ майпа вӗренекен V курс студенчӗсем патшалӑх экзаменӗ тытрӗҫ. Анчахрах шкулта практикӑра пулнӑскерсен ӑсталӑхӗ туптанни куҫ кӗретех сисӗнчӗ. Ыйтусем ҫине хуравланӑ чухне вӗсем хӑйсене вӗрентекен пек тытма, уҫӑмлӑ калаҫма хӑнӑхни палӑрчӗ. Экзамена пур студент та ӑнӑҫлӑ пачӗ. 11-05 ушкӑнра вӗренекенсенчен вунпӗрӗшӗ «5» паллӑ, тӑххӑрӑшӗ «4» паллӑ илчӗҫ. 12-05 ушкӑнра вара вуникӗ «5»,

вунтӑваттӑ «4». Студентсене патшалӑх экзамен комиссийӗн председателӗ, факультет деканӗ В.Г. Родионов профессор саламларӗ, диплом ӗҫне ӑнӑҫлӑ тӗпчеме-ҫырма вӑй-хӑват сунчӗ.

#Чӑваш филологийӗпе культура факультечӗ, #Чӑваш патшалӑх университечӗ, #вӗренӳ, #экзаменсем