Иртнӗ эрнекун вӗренӳ институтӗнче черетлӗ хут «Туслӑх хӗлхемӗ» фестивалӗн республика тапхӑрӗ иртрӗ. «Наци фестивальне хутшӑнакансен йышӗ ҫулсерен ӳссех пырать, район тапхӑрӗнче ҫӗнтернӗ 50 ача икӗ номинацире хӑйсен пултарулӑхне кӑтартрӗҫ», — тесе пӗлтерет вӗренӳ институчӗн сайчӗ.

Чи малтанах «Ҫӑлтӑрчӑк» конкурса хутшӑнакансен пилӗк станци витӗр тухма тиврӗ. Унта вӗсем чӑваш культурине тата чӗлхине мӗн шайра пӗлнине кӑтартрӗҫ. Фестиваль вӗҫӗнче ачасен пултарулӑх тупӑшӑвӗ, юрӑ юрлани, ташӑ ташлани, харпӑр хӑй сӑввисене вулани пулчӗ.

Жюри палӑртнӑ тӑрӑх «Туслӑх хӗлхемӗнче» ҫак ачасем мала тухрӗҫ:

Чӑваш шкулӗн программипе ӗҫлекен шкулсем:

• 1-мӗш вырӑн — Элӗк районӗн Янтапа вӑтам шкулӗн вӗренекенӗ Никандрова Елена Вадимовна

• 2-мӗш вырӑн — Канаш районӗн Чакаҫ вӑтам шкулӗн вӗренекенӗ Павлова Юлия Александровна тата Вӑрнар районӗн Туҫиҫырма шкулӗн вӗренекенӗ Филиппова Снежана Витальевна

• 3-мӗш вырӑн — Вӑрмар районӗн Кавал шкулӗн вӗренекенӗ Авакова Анастасия Алексеевна тата Тӑвай районӗн Тӑрмӑш вӑтам шкулӗн вӗренекенӗ Андреева Н.А.

Вырӑс программипе ӗҫлекен шкулсем

• 1-мӗш вырӑн — И.Н. Никифоров ячӗллӗ Вӑрнарти 1-мӗш вӑтам шкул вӗренекенӗ Маркова Анита Сергеевна,

• 2-мӗш вырӑн — Шупашкар хулин 10-мӗш шкул вӗренекенӗ Кадушкина Анна Евгеньевна,

• 3-мӗш вырӑн — Красноармейски вӑтам шкулӗн вӗренекенӗ Козлова Надежда Витальевна, Патӑрьелӗнчи 2-мӗш шкул вӗренекенӗ Дюкина Дария Владимировна тата Шупашкар хулин 39-мӗш шкул вӗренекенӗ Прокопьева Салампи Олеговна.

Вӗренӳ институчӗн проректорӗ А. Р. Кульева фестивале хутшӑннӑ кашни ачана тата вӗсен кашни вӗрентекене тав сӑмахӗ каларӗ. «Туслӑх хӗлхемӗ» фестиваль пуриншӗн те чӑннипех уяв пулчӗ.

Сӑнсем (69)

#Канаш районӗ, #Тӑрмӑш, #Тӑвай районӗ, #Кавал, #Вӑрмар районӗ, #Патӑрьел, #Красноармейски, #Шупашкар, #вӗренӳ, #Туслӑх хӗлхемӗ, #Чакаҫ, #Элӗк районӗ, #Янтапа, #Вӑрнар районӗ, #Туҫиҫырма