Ака уйӑхӗн 14-мӗшӗнче «Янташ» ушкӑнӗн хӑйӗн черетлӗ концертне йыхравлать. Вӑл Трактор тӑвакансен культура керменӗнче пулмалла, 18 сехет ҫурӑра пуҫланмалла.

Анатолийпе Надежда Никитинсем каласа панӑ тӑрӑх концерт программинче эсир унччен илтнӗ-пӗлнӗ юрӑсемпе пӗрлех ҫӗннисем те пулӗҫ.

Трактор тӑвакансен культура керменне 5, 8, 12, 15, 20, 23, 26 автобуссемпе; 1, 8, 15, 18 троллейбуссемпе тата маршруткӑсемпе ҫитме пулать. Кермен Эгер бульварӗнчи 36-мӗш ҫуртра вырнаҫнӑ.

Билетсене культура керменӗн кассинче, «Детский мир» лавккара тата билет салатакансенчен туянма май пур. Пурне те хапӑл туса кӗтеҫҫӗ.

#культура, #Трактор тӑвакансен КК, #концертсем, #Шупашкар, #Янташ