Дмитрий Губерниев архивӗнчи сӑн

Спорт комментаторӗ Дмитрий Губерниев Шупашкара ҫуллахи биатлон енӗпе иртекен Раҫҫей чемпионатне килессине пӗлтернӗ.

«Авӑнӑн 17-мӗшӗнче Шупашкара ҫуллахи Раҫҫей чемпионатне! Чӑваш Ене килсе йӑлтах коммантари тӑвӑп! Матчра!» — тесе ҫырнӑ Дмитрий Губерниев халӑх тетелӗнче страницинче.

Авӑн уйӑхӗн 14-21-мӗшӗсенче республикӑра ҫуллахи биатлон енӗпе Раҫҫей чемионачӗ иртет. Спортсменсем виҫӗ кун вӑй виҫӗҫ: авӑн уйӑхӗн 17-мӗшӗнче, 19-мӗшӗнче тата 20-мӗшӗнче. Сӑмах май, Шупашкар Раҫҫей шайӗнчи биатлон ӑмӑртӑвне пӗрремӗш хут йышӑнать.

#спорт, #биатлон, #ӑмӑртусем, #Шупашкар