pravdapfo.ru сайтран илнӗ сӑнӳкерчӗк

Ятарласа мар пулӗ-ха, анчах хитре мар пулса тухнӑ.

Шӑмӑршӑ районӗнчи Пӑчӑрлӑ Пашъел ялӗнче масара йӗркене кӗртме шухӑш тытнӑ. Ун валли ятарлӑ ҫынна, пӗр усламҫӑна, тупнӑ. Анчах хайхискер йывӑҫ касма тӑрсан вӗсене виле пытарнӑ вырӑн тавра тытнӑ картасем ҫине тӳнтерсе ярса пӗтернӗ.

Халӗ усламҫӑран ҫынсене кӑмӑл-сипет тӗлӗшӗнчен сиен кӳнӗшӗн укҫа шыраса илесшӗн.

Масар ҫинче ӗҫлекен усламҫӑ мӗн хӑтланнине вырӑнти прокуратура тӗрӗсленӗ. Ун хыҫҫӑн надзор органӗ подрядчика сиенленӗ объектсене (официаллӑ чӗлхерен этем чӗлхи ҫине куҫарсан карта тата палӑк тенине пӗлтерет ӗнтӗ) йӗркене кӗртме хушса хут ҫырса панӑ. Унсӑр пуҫне ҫынсене кӑмӑл-сипет тӗлӗшӗнчен сиен кӳнине саплаштарма ыйтса суда тавӑҫпа тухнӑ.

#судсем, #прокуратура, #ял пурнӑҫӗ, #пӑтӑрмахсем, #Шӑмӑршӑ районӗ, #Пӑчӑрлӑ Пашъел