Патшалӑх автоинспекцийӗ тунӑ сӑн

Чӑваш Енри полицейскисем Пӑрачкав округӗнче «Хавал» машина патне пынӑ та… Унта – 3 килограмм наркотик.

Упӑшкипе арӑмӗ ҫав самантра ҫул хӗрринче канма чарӑннӑ. Шӑп ҫавӑн чухне вӗсем патне ҫул-йӗр инспекторӗсем пынӑ. Багажнике уҫса пӑхсан унта 3 килограмм наркотик тупнӑ. Тӗрӗсрех каласан, упӑшкипе арӑмӗ хӑйсемех гашишпа марихуана ӑҫта выртнине кӑтартнӑ.

Мӗнле пулса иртнине те каласа панӑ. Пӗлтӗр раштав уйӑхӗнче вӗсем ҫак партие Сарӑту облаҫӗнчен вӑрттӑн вырӑнтан илсе кайнӑ. Ӑна вӗсем Тутарстанра сутма палӑртнӑ, анчах ав унта ҫитеймен.

Упӑшкипе арӑмне пысӑк виҫӗпе наркотик сутма тӑнӑшӑн явап тыттарӗҫ. Вӗсен 4 миллион ытла тенкӗ тӑракан машинине арестленӗ. Пуҫиле ӗҫе Улатӑр районӗн сучӗ пӑхса тухӗ.

#Пӑрачкав районӗ, #Улатӑр районӗ, #наркотик, #полицейскисем