Канаш районӗнчи Шӑхасан ялӗнчи пӗр урамра шыв ҫук иккен. Сӑмах Чапаев урамӗ пирки пырать. Кун пирки ялти кадастр инженерӗ Ольга Никитина республика Элтеперне пӗлтернӗ.

Шыв енӗпе лару-тӑру ҫулсерен япӑхланса пырать: ҫулла ҫӑл типсе ларать, хӗлле те шыв аран ҫитсе пырать иккен. Ялти хастар пӗлтернӗ тӑрӑх, ҫӑлти шыва 2021 ҫулта анализ туса тишкерсен унта сӗлте тата тимӗр нумаййине палӑрнӑ. Ятарласа тасатмасан ун пек шыва ӗҫме юрамасть.

Олег Николаев асӑннӑ урамра централизациленӗ шыв пулассине пӗлтернӗ. Строительство валли 5,5 миллион тенкӗ уйӑрнӑ. Ӗҫе 2026 ҫулхи авӑн уйӑхӗн 31-мӗшӗ тӗлне туса пӗтермелле.

#ял пурнӑҫӗ, #Канаш районӗ, #Элтепер, #Шӑхасан