Ӗнер вӑйлӑ ҫиле пула Элӗкре нумай хваттерлӗ ҫурт тӑрри сиенленнӗ. Тӳрех палӑртса хӑварар: ку ҫурта 2040 ҫулта тӗплӗн юсама палӑртнӑ. Ҫурт вара 2002 ҫулта хута янӑскер.

Вӑйлӑ ҫил Парк урамӗнчи виҫе хутлӑ нумай хваттерлӗ ҫурт тӑррин пӗр пайне сӳнӗ. Ку ӗнер 17 сехет тӗлӗнче пулса иртнӗ.

Аса илтерер: каҫал нарӑс уйӑхӗнче юр йывӑрӑшне пула Элӗкре автостанци навесӗн тӑрри ишӗлсе аннӑ. Юрать-ха, ку ҫӗрле пулса иртнӗ. Ун чухне навес айӗнче пӗр автобус кӑна ларнӑ, ҫынсем пулман. Автобус «Шупашкар – Элӗк» маршрутпа ҫӳрекенскер пулнӑ. Ку тӗслӗх тӗлӗшпе пуҫиле ӗҫ пуҫарнӑ. «Автовокзалсем тата автостанцисем» АОн производствӑпа техника пайӗн техника директорне явап тыттарӗҫ. Пуҫиле ӗҫе кӗҫех суд пӑхса тухӗ.

#Элӗк, #ҫанталӑк, #судсем