«Контактри» сӑн

Беларуҫ Республикинчи Бешенковичи районӗнчи делегаци каллех Чӑваш Енре, Вӑрнар округӗнчи Кивҫурт Енӗш ялӗнче, пулнӑ. Ку ял – Совет Союзӗн Паттӑрӗн Степан Илларионовӑн тӑван тӑрӑхӗ.

Беларуҫри делегацин ҫак яла килесси – ырӑ йӑла. Хӑнасене Вӑрман Кипек шкулӗнче вӗренекенсем, «Кипек ен» тата «Пилеш» пултарулӑх коллективӗсем кӗтсе илнӗ, чӑваш юрри-ташшипе савӑнтарнӑ.

Совет Союзӗн Паттӑрӗ Степан Илларионов Беларуҫри Бешенковичи районӗпе тачӑ ҫыхӑннӑ. Тӑван ҫӗршывӑн Аслӑ вӑрҫи вӑхӑтӗнче салтак Беловетчи ялне ирӗке кӑларнӑ чухне паттӑрла вилнӗ, ӑна Витебск облаҫӗнчи Галыни ялӗнчи тӑванла масар ҫине пытарнӑ.

#Вӑрнар районӗ, #Кивҫурт Енӗш, #Вӑрман Кипек