Екатерина Ворошилова усӑ курма ирӗк панӑ сӑнӳккерчӗк

Шупашкарти халӑхӑн социаллӑ ыйтӑвӗсене тивӗҫтерекен комплекслӑ центрта музыка ертӳҫи пулса тӑрӑшакан Екатерина Ворошилова телепроект кастингне хутшӑннӑ.

Екатерина Владимировна «Раҫҫей 1» каналпа кӑтартакан «Ну-ка, все вместе!» кӑларӑма хутшӑнас тенӗ.

Вӑл каласа кӑтартнӑ тӑрӑх, малтан унта заявка памалла пулнӑ, паян унӑн Хусанта иртнӗ кастинга хутшӑнма тивнӗ.

Телекӑларӑма Николай Басков ертсе пырать, жюри ертӳҫи — Сергей Лазерев.

Шупашкар пикин иккӗмӗш тапхӑр витӗр тухма май килмен пулин те вӑл пӗртте пӑшӑрханса ӳкмен. «Ку маншӑн паха опыт пулчӗ. Ун пек проекта хутшӑнас тесен мӗн шута илмеллине малашне пӗлӗп», — хавхаланса таврӑннӑ пике.

Екатерина Владимировна куҫӗ начар курсан та алӑ ӗҫӗпе те аппаланса чунне уҫать.

#пултарулӑх, #юрӑҫсем, #сывлӑх, #МИХсем, #конкурссем