Паян Шупашкарта Ленин проспектӗнче «Петровский» киоск тӑррине юр персе аннӑ. Ку 25-мӗш ҫурт патӗнче пулнӑ. Сутуҫӑ ишӗлчӗк айне пулнӑ, ҫынсем ӑна унтан тухма пулӑшнӑ. Хӗрарӑма пульницӑна янӑ, тӗрӗсленӗ хыҫҫӑн киле кайма ирӗк панӑ.

Акӑ мӗн паллӑ: ҫав самантра «Ӑшӑ кил» управляющи компанийӗ ҫурт тӑрринчен юр антарнӑ. Киосксен сутуҫисене вӑхӑтлӑха ӗҫе чарма, киоска хупма ыйтнӑ. Анчах хӗрарӑм юр антарса пӗтеричченех киоска таврӑннӑ. Ҫурт тӑрринче ӗҫлекенсем вара юра тытса чарайман, вӑл киоск тӑррине ӳкнӗ.

#Шупашкар, #юр, #суту-илӳ, #пӑтӑрмахсем