Тунтикун Чӑваш Ене виҫӗ кунлӑха Краснодар Ен делегацийӗ ҫитрӗ.

Делегаци пысӑк, сӑмахран, сывлӑха упрассипе ӗҫлекеннисем шутне ҫаксем кӗреҫҫӗ: Краснодар Ен администраци пуҫлӑхӗн ҫумӗ Золина Галина Дмитриевна, тӑрӑхӑн сывлӑха упракан департамент пуҫлӑхӗ Алексеенко Сергей Николаевич, Краснодар Енӗн ҫемье политикин депатртаменчӗн пуҫлӑхӗ Ковалева Татьяна Федоровна, Краснодар Енӗн халӑха социаллӑ енчен хӳтлӗх паракан департамен пуҫлӑхӗн ҫумӗ Бег Малайчет Меджидовна, Краснодар Енри сиплев учрежденийӗсенчи тӗп тухрӑмсем кӗреҫҫӗ. Унсӑр пуҫсӑр делегацире культура, вӗрентӳ, тата ытти пайра тӑрӑшакан ҫынсем кӗреҫҫӗ.

Краснодар Ен хӑнисем Республикӑри нумай учреждени ӗҫӗсемпе паллашрӗҫ, районсемпе хуласене те ҫитсе курчӗҫ. Сӑмахран, вӗренӳ енӗпе кӑсӑкланаканнисем Шупашкарти 40-мӗш, 59-мӗш шкулсемпе, 5-мӗш гимназипе паллашрӗҫ. Сывлӑха упрас енӗпе ӗҫлекеннисем Шупашкарта вырнаҫнӑ тӗп хула пульницине, 1-мӗш клиника пульницине, васкавлӑ пулӑшу станцине, 2-мӗш хула пульницине, Шупашкар районӗн тӗп пульницине ҫитрӗҫ, пӗтӗмӗшле практика тухтӑрӗсен офисӗсемпе паллашрӗҫ. Районсене илес пулсан хӑнасем Ҫӗмӗрле, Сӗнтӗрвӑрри, Шупашкар, Куславкка районӗсене ҫитсе курчӗҫ.

Маларах каларӑмӑр ӗнтӗ, хӑнасем виҫӗ кунлӑха килнӗ, паян вӗсем хӑнара юлашки кун ирттереҫҫӗ. Хӑнасем пӗлтернӗ тӑрӑх чӑваш халӑхӗн ыр кӑмӑллӑхӗ, хӑнасене епле кӗтсе илни вӗсене питӗ килӗшнӗ. Кунта курнӑ хӑш-пӗр ҫӗнӗлӗхсене хӑйсем патӗнче те хута кӗртме сӑмах пачӗҫ, Чӑваш Ене хӑйсем патне те килсе кайма чӗнчӗҫ — паллаштармалли ӗҫ вӗсен те чылай иккен.

Хыпар ҫӑлкуҫӗ

#Ҫӗмӗрле, #Куславкка районӗ, #Шупашкар районӗ, #40-мӗш шкул, #59-мӗш шкул, #5-мӗш гимнази, #вӗрентӳ, #хӑнасем, #Чӑваш Ен, #Сӗнтӗрвӑрри районӗ