Чӑваш Енри гимнаст Владислав Поляшов спорт гимнастики енӗпе Раҫҫей чемпионӗ пулса тӑнӑ. Вӑл «лаша» ҫинче хӑнӑхтарусем туса ҫак ята тивӗҫнӗ.
Пирӗн ентеш Олимп чемпионӗнчен Давид Белявскинчен, ҫӗршыври ытти вӑйлӑ спортсменран ирттерсе 13,900 балл пухнӑ.
Палӑртса хӑварар: Владислав Поляшов – тӗнче чемпионӗ, тӗнче первенствин кӗмӗл призерӗ, «БРИКС спорт вӑййисен» ҫӗнтерӳҫи. Вӑл Олимп вӑййисене те хутшӑннӑ.