Чӑваш патшалӑх оперӑпа балет театрӗн видеовӗнчен илнӗ сӑнӳкерчӗк

Юпа уйӑхӗн 26-мӗшӗнче Чӑваш патшалӑх оперӑпа балет театрӗнче блокадӑри Ленинградра ӗҫлесе пурӑннӑ ӳнер ӗҫченӗсене халалланӑ «Так хочется жить!» спекталь-концерт кӑтартӗҫ.

Ку спектакль Ленинградри пултарулӑх интеллигенцийӗн – музыкантсен, театр артисчӗсен, Эрмитажпа ытти музей ӗҫченӗсен, искусствоведсемпе архитекторсен, поэтсемпе писательсен, художниксен, ученӑйсен — кун-ҫулӗпе паллаштарӗ. Шӑпапа паллаштаракан кашни новелла – ҫав ҫынсем дневниксенче ҫырса хӑварнӑ чӑн историсем.

Мероприятие Росконцерт йӗркелет. Спектакле Раҫҫей халӑх артисчӗ Артём Каминский, Раҫҫей тава тивӗҫлӗ артисчӗ Анна Большова, театрпа кино актёрӗ Андрей Пляскин хутшӑнӗҫ.

#артистсем, #спектакльсем, #театрсем