Ҫӗнӗ Шупашкарта пурӑнакан Ольга Савинова Мускавра ҫӗртме уйӑхӗн 1-6-мӗшӗсенче иртекен илем тата амӑшлӑх «Раҫҫей Тӗнче миссисӗ» конкурсӗнче Чӑваш Ен чысне хӳтӗлӗ. Унта Раҫҫейри 18-60 ҫулсенчи качча кайнӑ 150 хӗрарӑм хутшӑнать.

«Чӑваш Енре ҫуралса ӳснӗшӗн эпӗ яланах мухтаннӑ. Тӑван чӗлхене, культурӑна, несӗлсен йӑли-йӗркине чунран юрататӑп», - тет Ольга Савинова. Вӑл Чӑваш Ен чысне тӗнче шайӗнче хӳтелеме чыс лекнӗшӗн хӗпӗртенине палӑртнӑ.

#Раҫҫейре, #конкурссем, #Мускав, #Ҫӗнӗ Шупашкар