Лариса Мышева страницинчен илнӗ сӑнӳкерчӗк

Ҫу уйӑхӗн 20-28-мӗшӗнче Владивосток хулинче «Активное долголетие: Россия — Китай» (чӑв. Хастар ватлӑх: Раҫҫей — Китай) вӗренмелли пӗтӗм тӗнчери I стажировка иртет. Унта Чӑваш Енри Лариса Мышева кӗмӗл волонтёр хутшӑнать.

Лариса Ивановна «Контактра» халӑх тетелӗнчи хӑйӗн страницинче пӗлтернӗ тӑрӑх, Раҫҫейӗн 19 регионӗнчи социаллӑ сферӑра ӗҫлекен уучрежденисен директорӗсемпе специалисчӗсем, пурӗ 85 ҫын, Владивостокра пуҫтарӑннӑ.

Делегаци пайташӗсем Китайри Яньцзи тата икӗ ҫӗршыв чиккинче вырнаҫнӑ Хуньчунь хула уесӗнче пулса курӗҫ. Унт вӗсем Китайри патшалӑх учрежденийӗсен вата ҫынсен ыйтӑвӗсемпе тимлекен ӗҫченӗсемпе тӗл пулӗҫ.

#ваттисем, #вӗренӳ, #Раҫҫей, #Китай, #Владивосток, #нимеҫӗсем, #волонтерсем