Ҫу уйӑхӗн 1-мӗшӗнчен «Ҫулталӑкри йывӑҫ. Раҫҫей» сайтра ҫӗршывӑн тӗп йывӑҫӗн сасӑлавӗ пуҫланать. Иккӗмӗш ҫул ӗнтӗ унта Ҫӗмӗрлери юман хутшӑнать.

Вӑл – 250 ҫулта. Ӑна ватӑ йывӑҫсен наци реестрне кӗртнӗ, унӑн «Йывӑҫ – чӗрӗ ҫутҫанталӑк палӑкӗ» статус пур. Сасӑлавра вӑл 33-мӗш номерпе пулӗ.

Сӑмах май, сасӑлавра 2023 ҫулта Муркаш округӗнчи Ильинкӑри юман ҫӗнтернӗ.

#Раҫҫейре, #сасӑлавсем, #Муркаш районӗ, #Ильинка, #Ҫӗмӗрле, #йывӑҫсем