Сайта кӗр | Регистраци | Сайта кӗрсен унпа туллин усӑ курма пулӗ
 -1.0 °C
Ҫиччӗ виҫ те пӗрре кас.
[ваттисен сӑмахӗ]
 

Хыпар: «Аннене анне тееҫҫӗ» кино куравӗ иртрӗ

Пулӑшу (Услуги) Хваттерте ремонт ӗҫӗсем тӑватӑп, плитка хуратӑп.
Сутатӑп Йывăçран тунă çурт сутатăп. Тăррине çĕнĕрен витнĕ, никĕсне çирĕплетнĕ. Мунча пур...
Туянатӑп Николай Терентьевăн "Суйласа илнисем" кĕнекин 1-мĕш томне (1994 ç. тух...
Аçтахар Плотников 20.03.2008 16:47 | 1483 хут пӑхнӑ

Тунтикун, пуш уйӑхӗн 17-мӗшӗнче, Гуманитари институчӗн вулав залӗнче «Аннене анне тееҫҫӗ» кино куравӗ иртрӗ. Ӳнер тӗпчевҫисем, литература тиркевҫисем, журналистсемпе ҫыравҫӑсем, артистсем хутшӑнчӗҫ. Фильма пысӑк экран ҫинче кӑтартрӗҫ.

 

Курав хыҫҫӑн кинона сӳтсе яврӗҫ. Алексей Трофимов ӑсчах фильмра театр, телесериалсен витӗмӗ сисӗннине палӑртрӗ. Малашне натурализмран (сӑмахран кино пуҫламӑшӗнче «юрату» сценине пурнӑҫри пек кӑтартнӑ), фольклоризмран хӑтӑлма сӗнчӗ. Михаил Кондратьев музыковед фильмра усӑ курнӑ музыка чӑвашла марришӗн ӳпкелерӗ. Атнер Хусанкай кинора калаҫу нумаййи, малашне ытларах ҫутҫанталӑк пулӑмӗсене кӗртмелли пирки каларӗ. Фильмӑн режиссёрӗ ҫак сӗнӳсем питӗ вырӑнлӑ пулнине палӑртрӗ.

Виталий Родионов кино чӗлхи чӑн чӑвашла пулса тухнине пӗлтерчӗ. «Хӑш пӗр вырӑнсенче куҫҫулӗ кӑларма пултарчӗ ку кино» — терӗ вӑл. Альбина Любимова та ҫак шухӑшах ҫирӗплетрӗ. «Фильмри ӗҫсем пирӗн ялта пулса иртнӗ пекех туйӑнать» — терӗ сӑвӑҫ.

 

Кино сӳтсе явнӑ май ӳнер тӗпчевҫисемпе литература тиркевҫисем хушшинче тавлашу сиксе тухрӗ. Тӗпчевҫӗсем кино тӗнчери стандартсене тивӗҫтермелле тесе шутлаҫҫӗ. Тиркевҫӗсем вара пач урӑхла, фильм чи малтанах чӑваш халӑхне юрӑхлӑ пулмалла теҫҫӗ. Пурте пӗр шухӑшпа килӗшрӗҫ — фильмсене нумайрах ӳкермелле.

#чӑваш фильмӗ, #Чӑваш патшалӑх гуманитари ӑслӑлӑхӗсен институчӗ, #куравсем, #мероприятисем

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org