demo-chrio.rchuv.ru сӑнӳкерчӗкӗ

5-11-мӗш классенче вӗренекен ачасен хушшинче чӑваш чӗлхипе, литературипе тата культурипе интернет олимпиада иртнӗ. Унта 33 ҫӗнтерӳҫӗ ятне тивӗҫнӗ.

Кӑҫалхи олимпиадӑна Чӑваш Республикин тата республика тулашӗнчи вӗренӳ организацийӗсен 5–11 класӗсенче вӗренекен тӑват ҫӗр ытла ача хутшӑннӑ, ҫав шутра – республика тулашӗнчен – 26 ача.

Олимпиадӑна ирттернӗ Чӑваш Республикин Вӗренӳ институтӗнче пӗлтернӗ тӑрӑх, «пӗтӗмӗшле илсен, интернет олимпиадӑна кӑҫал пысӑк хастарлӑхпа Шупашкар, Ҫӗнӗ Шупашкар хулисен, Патӑрьел, Вӑрнар, Вӑрмар, Канаш, Куславкка, Йӗпреҫ, Ҫӗрпӳ, Муркаш, Тӑвай, Сӗнтӗрвӑрри, Шупашкар округӗсен шкул ачисем хутшӑннӑ».

#вӗренӳ, #ачасем, #олимпиада, #Шупашкар, #Ҫӗнӗ Шупашкар, #Патӑрьел, #Вӑрнар, #Вӑрмар, #Канаш, #Куславкка, #Йӗпреҫ, #Ҫӗрпӳ, #Муркаш, #Тӑвай, #Сӗнтӗрвӑрри, #Шупашкар районӗ, #чӑваш чӗлхи, #Вӗренӳ институчӗ