ҪҪХПИ тунӑ сӑн

Ӗнер Ҫӗнӗ Шупашкарта 17 сехет ҫурӑра Совет урамӗнчи 33-мӗш ҫурт ҫывӑхӗнче 2-мӗш класс ачи машина айне пулнӑ. Малтанлӑха палӑртнӑ тӑрӑх, арҫын ача юраман вырӑнтан ҫул урлӑ каҫнӑ. Ҫавӑн чухне ун ҫине «Киа» пырса кӗнӗ.

Ачан пуҫӗ суранланнӑ. Ӑна васкавлӑ медпулӑшупа пульницӑна илсе кайнӑ.

Сӑмах май, иртнӗ эрнекун Шупашкарта икӗ ача машина кустӑрми айне лекнӗ. Ун чухне 10 ҫулти хӗрача тата 9-ти ача шар курнӑ.

#пӑтӑрмахсем, #Шупашкар, #Ҫӗнӗ Шупашкар, #ачасем