Авӑн уйӑхӗ пулсан та ҫулла малалла пырать. Синоптиксем пӗлтернӗ тӑрӑх, ку эрнере 24-29 градус ӑшӑ тӑрӗ, каҫсерен - 12-19 градус.

Паян-ыран аслатиллӗ ҫумӑр ҫума пултарать. Кӗҫнерникун ку эрнери чи ӑшӑ кун пулӗ. Эрне вӗҫнелле кӑштах сивӗтме тытӑнӗ, ҫапах канмалли кунсенче ҫуллахи пек ҫанталӑк тӑрӗ.

Малтанлӑха пӗлтернӗ тӑрӑх, кун пек ӑшӑ иккӗмӗш декада вӗҫленичченех пулӗ. Юлашки декадӑра кӑна кӗрхи ҫанталӑк ҫитӗ.

#ҫутҫанталӑк, #синоптиксем, #ҫанталӑк