"Контактри" сӑн

Ҫамрӑк ӳнерҫӗ Надежда Баранкина тӑван хулине, Улатӑра, хӑйӗн ӳкерчӗкӗсемпе илем кӳрет. Ӳкересси уншӑн чун киленӗҫӗ кӑна мар, професси те.

Надежда унпа шкуланпах кӑсӑкланать. Вӑл педколледжра вӗренсе рисовани учителӗн специальноҫне илнӗ. Унтан И.Я.Яковлев ячӗллӗ Чӑваш патшалӑх педагогика университетӗнче интерьер дизайнерӗн дипломне илнӗ.

Халӗ Надежда «Ника» ҫемье аталанӑвӗн центрӗнче «Акварелька» студие ертсе пырать, Улатӑрти ача-пӑча ӳнер шкулӗнче вӗрентет. Пушӑ вӑхӑтра вара ҫуртсен стенисем ҫине ӳкерет.

#Улатӑр, #ӳнерҫӗсем