Паян уяр та ӑшӑ ҫанталӑк. Синоптиксем ыран та ҫапла пуласса пӗлтереҫҫӗ. Ҫапах ҫумӑрсӑр иртмест. Паян кӑнтӑрла хыҫҫӑн вырӑнӑн-вырӑнӑн аслатиллӗ ҫумӑр ҫума пултарать. Ыран ҫурҫӗр округӗсенче ҫумӑр ҫӑвас хӑрушлӑх пур.

Эрне пуҫламӑшӗнче 23-28 градус ӑшӑ пулӗ. Каҫсерен те самаях ӑшӑ тӑрӗ. Ҫил тӳлек вӗрӗ.

Эрнекун сивӗтӗ. Кӑнтӑрла 18-23 градус, каҫхине 12-14 градус ӑшӑ пулӗ. Ҫил ҫурҫӗр енчен вӗрӗ.

Вырсарникун тата тунтикун самай ҫумӑр ҫӑвӗ.

Кӗр ҫывхарать пулин те 30 градус шӑрӑх таврӑнас шанчӑк пур. Малтанлӑха пӗлтернӗ тӑрӑх, уйӑх варринче темиҫе кун шӑрӑх пулма пултарать.

#ҫутҫанталӑк, #синоптиксем, #ҫанталӑк