Паян, утӑ уйӑхӗн 26-мӗшӗнче, ирхи 4 сехет те 20 минутра, Пӑрачкав муниципаллӑ округра ҫул ҫинче инкек пулса иртнӗ.

«Кожевенное-Сиява» автоҫул ҫинче «ВАЗ-2114» автомбиль ҫул айккине чӑмнӑ. 24 ҫулти водитель инкек вырӑнӗнчех вилнӗ, машинӑн хыҫалти ларкӑчӗ ҫинче ларнӑ виҫӗ хӗр, ҫав шутра 16 ҫулти шкул ачи те, аманнӑ. Вӗсене пурне те пульницӑна илсе вырттарнӑ. Водительпе юнашар ларнӑ тепӗр ҫынна тухтӑрсенчен пулӑшу ыйтман.

Руль умӗнчи водитель Ҫӗмӗрлерен пулнӑ, унӑн водитель удостоверенийӗ пулман. Кӑҫалхи ҫу уйӑхӗнче ӑна автоинспекторсем руль умӗнче ӳсӗрле тытса чарнӑ.

#ҫул-йӗр, #машинӑсем, #Пӑрачкав районӗ, #сывлӑх, #инкексем, #пульницӑсем